| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2011-10-02, 02:22 PM
|
|||
|
|||
ردية أبن عون ومرشد البذال
هذه الردية من اجود واروع الرديات بين الشاعرين مرشد البذال رحمه الله وعبدالله بن عون اطال الله عمره اتمنى ان تحوز على اعجابكم قال الشاعر عبدالله بن عون هات القلم يا مال زينات الأوفاق يا صاح ونسني ترى خاطري ضيق خل القلم من بين اصابعك دفاق يرعف على صفحات بيض لواهيق يرسم عليهن ما تحالا للأذواق طرائف تشرح صدور مغاليق تصريف هجس ما تسلف ولا باق لو القوافي قد رموها التفافيق حطوا لهم قبلي على الطرق طوراق والسبك غير السبك صوره وتطبيق لا سالبً معنى ولاني بسراق ولا خير في قول يجي فيه تبريق اقبل طلوع الفجر وانباج الأشراق وانا اتقلب ماتريح ولا ليق بلشان مع قلب مغربل ومشتاق ادخل على الله من ترد التوافيق قلب هواجيسه وهمه له ارفاق لحقا ً عليه مغربلات العشاشيق ما لي علي الفايت اليا فات ملحاق فات الفوات وقربت يبست الريق عليك ياللي حط بالقلب دقاق اونس رجيفه مرقل بالمعاليق سمح المحيا شيخ زينات الاخلاق اللي عليه اعلام قلبي مدانيق مجمول اجمل ماتجمل ومالاق ورد تغريف ماعبث به ولاذيق للبيض من دونه فلاني بعشاق من غير ذم في رقاب الغرانيق خل ٍ غلاه بداخل الجوف لصاق وامخرق رمانة القلب تخريق ليا اعترض طاريه للذهن مراق تجاوبن جناحن قلبي بتصفيق خلاني اخلج مثل ما تخلج الناق اللي ولدها ضيعوه الملاحيق عليه اجاوب لايع الورق بلعاق واهرف هريف الذيب نصوه وتطريق اويق في متن الحجا ضيق وشياق اخذ برأس الرجم غفله وترويق رجم براسه لأشهب اللون مشراق للريح في شامخ اركونه تصافيق كنه يوسع خاطري عقب الاغلاق يوم اعتلى في متن بعض الشواهيق من عبرةً في داخل الحلق بخناق ما غير اذودها على قدر ما طيق اكتم اشهاق ويظهر الصوت بشهاق مالي نديم الا زفير التشاهيق زفير عبراتً مطرهن ليا راق غرق هميله مقدم الجيب تغريق تاخذ من الضيقه على قدر الانفاق من ما بصندوق النحر عقب ما افيق واصيح للبذال في متن شوهاق حيثه من اشخاص الرجال المواثيق كوده يشاكيني على جور الاضياق اللي هجوسه في بحرها غواريق يا مرشد اشكي لك غرابيل الاشواق اللي لحقني من وراها ملاحيق مشرقني الهاجوس يا مرشد اشراق كني عليه موكلًٍ بالتحاقيق يا بوسعد حيثك مجرب وفراق وتحط بين الكذاب والصدق تفريق انا نخيتك من عميقات الأعماق ماهو مجرد مزح والا لماصيق اشكي عليك من الهواء ولف وافراق وهمً وياس مطوق القلب تطويق لحيت بك لحت طريح بمطراق خلوه ربعه طايحاً عقب ماعيق عقب الشجاعة والفخر طاح ونعاق صارة حياته من عدوه تشافيق يا بوسعد من غير تلزيم ورهاق انا شفاوي في نصيحتك ومشيق ما شوف للشكوى نفوذاً وممراق الا على عنوان شكوى المطاليق ولاني بحط لمخرث العود معلاق الا عموداً يحتمي للمعاليق وجهت لك شكواي في بيض الأوراق شكوا بعنوانك توجه بتشريق اسوقها يمك جريه وتنساق عليك يامدل جميل الطواريق واسلم ودم مالاح في المزن براق ما ناح ورق فوق لوح مواريق تحية ٍ فيها شذا المسك زعاق وازكى سلام بين الأصحاب قد سيق رد الشاعر مرشد البذال يالله ياللي للمخاليق رزاق يا منبتٍ بالقاع خضر الزماليق تعين من قلبه جزوع ومحراق وجنه عظيمات الشكاوي تلاحيق جاني علي زين التماثيل مدناق من هاجس له بالضماير تخافيق توارد ٍ قلبي هواجيس ٍ اضياق وخلا غرامي له بالأفكار تحليق خله يسير امداد في زين الارناق مثايلاً ماحضروها المطافيق عبدالله النايف لزمني بمسباق لزمت اسبوق اللي كفخ بالمسابيق امبارك منه السلامه والاعتاق كثر علي مع المسير الصواعيق عرضني الشوحه وقال الضعن ساق وخلا خفوفي من حفاهن مراهيق وانا معه لوهو علي قطع الاشناق قولً صحيح ما جمعناه تلفيق وانا مولع في طويلات الاعناق اللي غلاهن شلق الجوف تشليق اللي بهن طوق الذهب شبك بحلاق ونظم القماش اللي جنوه الفواليق يزمي على كبدي من المر شبراق من واحد شوفك لزوله تراميق خشف ٍ ليا ذير وحقق تحقاق عاف الشعيب اللي بقشعه مداريق خلاك تمشي جسم من غير معلاق شال الجهاز وهيكل الجسم تعويق وحالتك منها بش جسمي بالاعراق وقامت تصلفقني هموم تصافيق وخليت قلبي بين الاضلاع خفاق بين لي الموضوع من غير توهيق وشف ماتبي مني وبعني بالأسواق وامضي على بيعي واناطق تناطيق لو كان مالي في مساعد ملباق بيني وبينك مثل ابنات وطويق لا شك انا بنصحك مانيـبدراق نصيحة ٍ فيها عن الياس تعتيق ان شفت في حبل الرجاء جل ودقاق ترى المسك بالروث مافيه توفيق بالك تخفي عن لزومك بالارواق الفوت مثل الماء ليا نثر ما حيق شف لك رجال لك صحيحين واصداق ربعك ليا من الضعن للضعن شيق كل ارجحن وان قام لجاه زهاق حضورهم فك القفول المغاليق واخذ الحبيب ولح امعاديك بطراق وخله يدور في المراح الخماليق تحيتي لكم </B></I>
|
|
#2
2011-10-03, 12:35 AM
|
|||
|
|||
|
هاوي الزين وانت اختيارك زين الله يعطيك العافيه شكرا على هذا الذوق الراقي
|
|
#3
2011-10-04, 09:40 PM
|
||||
|
||||
|
الله يعطيك العافيه
|
|
#4
2011-10-06, 11:47 PM
|
|||
|
|||
|
اخوي ياهاوي الزين يالي للابداع عنوان تسلم يمينك عسانا مـــــــــــاننحرم منها شكري وحترآمي وتقديري وآكيد تقييمي << ولا تفي يالغالي رديه جميله وزآدهآ اسمك جمآل صح لـسآن الشاعر عبدالله بن عون ورحم الله الشاعرمرشد البذال تقبل مروري والسلام
|
|
|
|
العرض العادي
