شرح برنامج Airdroid لنقل الملفات

[محب المطر]

بسم الله الرحمن الرحيم


السلام عليكم ورحمة الله وبركاته

/مساء الخير إن شاء الله تكونوا بخير

أبدأ بموضوعي اليوم وهو شرح برنامج لنقل الصور والملفات من جهاز الكمبيوتر أو اللاب إلى

الجوال والعكس
وهو عن طريق برنامج بسيط أنيق وسريع اسمه Airdroid



رابط التحميل : https://play.google.com/store/apps/d....sand.airdroid

أبدأ شرح إن شاء الله ما أطول عليكم ويكون مفيد وسريع


أولاً نفتح البرنامج من الجوال وهذي الواجهه حقته



ثانياً نوصل الجوال مع جهاز الكمبيوتر مو عن طريق الـUSB أو البلوتوث عن طريق الواي فاي
عشان نوصله لازم ندخل الرابط المكتوب في الواجهه : https://web.airdroid.com

وهذا هو شكل الموقع




في واجهة البرنامج معطينا طريقتين للتوصيل عن طريق مسح رمز *الكيو آر كود* الموجود

على واجهة الموقع أو عن طريق إدخال كلمة المرور اللي معطينا وادخالها في خانة الباسوورد

أنا هنا استخدمت مسح رمز *الكيو آر كود*


ثواني وتلقى الجوال موصل بالكمبيوتر وتظهر لنا هذي الواجهه :



الحين وصلنا الجوال بالكمبيوتر طيب أبي أنقل صورة من الكمبيوتر للجوال أدخل على الـPhoto

وبتظهر لك الصور اللي في جوالك نختار زر Upload :



بعدين نختار الصور اللي نبي نرفعها من زر Select Files إذا ملفات محدده ومن زر Select Folder

إذا بنرفع مجلد كامل..



الحين ننتظر لين تتتقل الصور إلى الجهاز ولما نفتح الجوال راح نلقاها موجودة



لما ننقل الصور من الجوال إلى الكمبيوتر من أيقونة الـPhoto نحدد الصور اللي نبي ننقلها

للكمبيوتر ونضغط Download





الفيديو نفس الطريقة بس نختار أيقونة الـVideos .






من موقع البرنامج يمديك تحط رابط محفوظ مثلاً في الكمبيوتر ويدخلة من الجوال إذا ما فيك

تكتب رابط طويل أو لإستخدامات أخرى مثلاً أنا حطيت رابط المنتدى الجميل ودخلة من الجوال

وبكذا سهل علي البحث أو كتابة الرابط الطويل والمعقد



هنا النصوص اللي في الحافظة إذا نسخت أو شي تظهر لك من موقع البرنامج





أتمنى الموضوع عجبكم وإذا فيه أخطاء أو انتقادات أو نقص لا تجاملون أنا

في الخدمة دائماً

[ابو سلطان العتيبي]

بيض الله وجهك اخي عبد الرحمن
على هذا البرنامج والشرح الوافي له

وان شاء الله يستفيد منه الكثير

تحيتي

-

[ربيع الساحل]

الله يعطيك العافية ما قصرت اخ عبدالرحمن
شرح وافي ومبسط

[محب المطر]

المشاركة الأصلية كتبت بواسطة ابو سلطان العتيبي

بيض الله وجهك اخي عبد الرحمن
على هذا البرنامج والشرح الوافي له

وان شاء الله يستفيد منه الكثير

تحيتي

-

وجهك ابيض يا ابو سلطان
حضورك بالموضوع زاده بريقا وبهاءا

[محب المطر]

المشاركة الأصلية كتبت بواسطة عواد الجهني

الله يعطيك العافية ما قصرت اخ عبدالرحمن
شرح وافي ومبسط

الله يعافيك
مشكوراخوي عواد
على تعقيبك وردك الطيبين


مودتي وتقديري