صور العوشزيات

[الكاشف]

حياكم الله اخواني ............. في يوم من الايام طلعنا من الديرة ناوين الربيع

ناوين الصمان ......... طبعنا آخر الظهر من يوم الاربعاء تو الحن طالعين من المدرسه وحنا متشققين من الأناسة نبي نروح نشوف الربيع والسنع

بيني وبينكم احد المواقع يعرض صور تخلي الواحد يمشي حتى لو اخوه ما حل رياضيات <<< وش دخل ذي

ما علينا

المهم اتجهنا آخر الظهر ....... ووصلنا الارطاوية بعد صلاة العصر

قالوا خويياي ترانا جوعانين وحنا اللي نزبن لمطعم بخاري ............ المهم تغدينا هكالكبيسة اللي لو ياكله شايب بوه ضغط كان فنقس عند كاس الماء

به ملح مهوب طبيعي ياجماعه

شكل علبة الملح به فتحة مع تحت وهالأفغاني يملح والعلبة تخررر خخخخخخخخخخخخخ

المهم بالخط مغير ندردب من هالمياهه

المهم ابختصر لكم السالفة وش قلتوا ؟؟

مهوب ازين ؟؟

الا ازين

بيني وبنكم اهم شي الصور اما القرق الواجد فماله داعي

صلينا المغرب والعشاء جمع وقصر بالطريق

المهم بعد ام رقيبة ب 12 كلم تقريبا نزلنا صحراء ومشينا تقريبا 38كلم والله يخلي لنا القارمن عز الله انه حطه على يمناك انشهد انه شهم

المهم

وصلنا مكان اسمه العوشزيات تقريبا الساعه 8 ونصف ليلا .......... ما شفنا به ربيع ... ويمكن السبب لاننا بليل

حطينا رواقاتنا ويوم جينا نتكي ويجينا هكالعجاج + الهواء البارد ويقعد 3 ساعات

اول الأمر كنا نقول ايه هالحين شوي وياقف وهمانا طيور بر ما يهمنا

بس بيني وبينكم دفنا دفن

قعدنا بالسيارات .......... وتعشينا هكاليوم بسياراتنا جبن مثلث وخبز مفرود ??لاعمر احد يكشت الا ذولي معه??

المهم بعد ال 3 ساعات ركد شوي ونزلنا فرشنا وعلى طول نوووم

المهم قمنا الصبح تقهوينا ومشينا تقريبا جنوب شرق

لم روضة حسنا السبق وبطريقنا لحسنا السبق الارض كل ماله تزين .........

ويوم شفناه قلنا عز الله انه هي المكشات الزين

وشوفوا صور من العوشزيات هذة زبدة الموضوع واتركوا عنكم الهرج الفاضي إلى ماله سنع