| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2010-08-10, 12:49 AM
|
||||
|
||||
سفرة فطور رمضان
.. وبه نستعين .. السلام عليكم ... اللهم صلي وسلم على سيدنا محمد وآله وصحبه وسلم لا حول ولا قوة الا بالله ... الله أكبر .. ما شاء الله لا اله الا الله اللهم ادم لنا هذه النعمه وارزقنا خيراً .. واجعلنا من عتقاء النار في هذا الشهر .. انك على كل شيء قدير " تمنياتي لكن اخواتي الحبيبات بصيام مقبول وإفطار شهي ... وأيام مباركه ان شاء الله علينا وعليكم وعلى جميع المسلمين ... اذكرو الله وصلوا على محمد وقولوا ما شاء الله تبارك الله اللهم احفظ هذه النعمه من الزوال ... هذه السفرة كاملة ..     الهريس ...  اللقيمات  باقي من امس شوي هريس .. سويت فيه شوربه ..   حطيت في الخلاط الهريس المتبقي + عصير ليمون وملح وماء حار ..وصارت يم يمي .. كل البيت يحبونها وهي من اختراعي ... السلطة اللي سويتها في سفرة رقم 2 ..  خيار + جزر + بصل + فليفلة + طماطم ..قطعيهم صغار وسوي لهم صوص .. ثوم مدقوق +عصير ليمون + زيت + قطرات خل وملح وفلفل كبة البريد ...الصغار يحبونها حييييل .. ويطلبونها مني دائماً.. حطيتها في السفرة رقم 6  طريقتها ..قطعي البريد ( التوست) الى دوائر ..وامسحيهم كلهم بجبن كاس .. حطي على نصف الكمية قطعة بيض مسلوق ..+ شريحه صغيرة طماطم + قطعة جبن شرايح.. والصقيهم بالنصف الممسوح بالجبن.. غمسيهم في بيض ويقسماط واقليهم في زيت غزير واقطعيهم نصفين البيتزا اللذيذه الرائعه ..   العجينه .. في الخلاط .. ثلاث ارباع بيالة زيت ..+1 ملعقة ونص خميرة فوريه+ ثلاث ارباع كوب حليب بودره +كوب ونصف ماء في وعاء ...اضيفي طحين 3 أكواب + شوي ملح +ملعقة وسط بكينج بودر .. واخلطيهم مع الخليط اللي عملناه في الخلاط .. اعجني العجينه لمدة طويلة واتركيها ساعتين .. وشكليها دوائر ... صفيها في صينيه مدهونه ..اضيفي للدوائر مكونات البيتزا .. ودخليهم للفرن مكرونه بالباشميل ..  انصحكم تجربونها .. طعمها لذيييييذ... مكرونه مسلوقة .. لحم مفروم مع طماطم (مبشورة ومسبكة) صلصة طماطم .. ثوم وملح وفلفل وشوي زبده ... بشاميل .. واضيفي له 3 ملاعق جبن كاسات + 2 ملعقة مايونيز .. اخلطي المكرونه + اللحم + البشاميل وحطيهم في صينية فرن .. وخليهم يسخنون ويتحمرون من فوق .. وذوقي طعم المكرونه العجيب .. ورائحتها الشهية .. انا كنت من اول اسوي بشاميل بطريقة ثانية مع الدجاج ..لكن الصغار يحبون هذي أكثر للي يحبون الاكل الصيني ... سيزلينج الدجااج ...(نمووت عليه) دائماً اذا رحنا البحرين .. هذا طبقنا المفضل ... عندنا في منطقتنا .. لم اجد اي مطعم يجيده .. فحاولت اني اسويه بأي طريقة ..وبعدة عدة محاولات وطرق مختلفية (لاتضحكون علي ..) ووصلت الى هذه النتيجه ... يا سلااام رائحه تشق الدماغ ..  صدور دجاج مقطعه شرائح نحمسها في زيت قليل .. وثوم مدقوق ناعم وزنجبيل وفلفل حار ناعم .. وشوي ملح وفلفل أسود بصل .. فليفله .. جزر .. نقطعهم مربعات ..نحمسهم مع شوية زيت .. وبسرعه نشيلهم نسوي شوربة ماجي اللي بالخضرة ونصفيها ..بس ناخذ السوب مالها (الماء المصفى).ونخليها مركزة شوي .. واذا بردت نذوب فيها ملعقتين نشا .. وصويا صوص .. وصلصة الطماطم ..نخطلهم زين مازين نخلط الدجاج مع الخضرة ونخليه على نا هااااااااااااااااادئه جداً .. نحط الشوربه على النار الهادئة ونحركها واذا شفناها بدأت تثقل نصبها مباشرة على الدجاج ونحرك ... بس شوي وخلاص .. صدقوني بتدعون لي من قلوبكم .. وأخيراً .. العصيده  تمر + طحين بر ( أسمر) وماء نطبخ التمر مع الماء الى ان يذوب التمر .. نحط عليه الطحين ونضربه بالمضرب الخشب الخاص بالعصيد والهريس .. ونرجعه على النار .. نصغر عليه لمدة ساعتين..نحط فلفل أسود ثم نضربه بالمضرب .. نغرفه في صحون . ونمسحه بالزبدة .. يمي يمي .. لو تذوقونها .. تدمنون عليها ... اسالكم الدعاء جميعاً ..
|
|
#2
2010-08-10, 12:56 AM
|
|||
|
|||
|
مشكورة أختي العنود سفر رمضان لها طعم خاص بارك الله فقيك
|
|
#4
2010-08-10, 01:48 AM
|
||||
|
||||
|
الله يعطيك العافية
|
|
#5
2010-08-10, 08:40 AM
|
|||
|
|||
|
الله يعطيك العافية اختي ام العنود وكل عام وانت بخير
|
|
#6
2010-08-10, 09:51 AM
|
||||
|
||||
|
سلمت يداك على السفره الذيذه ما شاء الله عليج دايم اختيارج مميز ورمضان مبارك عليكم وتسلمين على المجهود الجميل 
|
|
#7
2010-08-11, 11:02 AM
|
|||
|
|||
|
ماشاء الله تبارك الله
|
|
|
|
العرض العادي
