كفاية يا العوض .. لو سمحت

[القبطان]

والله بعض امور الطقس ورموزه مخلينها لاهلها
صحيح الخبراء عندنا ماقصرو والله يجزاهم الله بكل خير
بس بعض رموز الطقس حنا مانفهمه ليتهم يوضحونه شوي
وبارك الله بالجميع

[حــــامــــد]

صدقت يابو بدر

فالخبير للطقس ليس كالهاوي

نتمنى ان ينورنا ابو محمد عن هذه
المعلومات التي نعجز عن فهمها

[الهوا الغربي]

هل الاخاديد نفسها المنخفضات العلويه التي بات يرددها الكثير؟؟

[راس المزن]

دائما يتحفنا خالد بمعلومات قيمة
ياليت يعطينا دروس ومعلومات من خبرتة
العلمية والعملية

[خالد العوض]

والله يوم شفت العنوان قلت الله يستر
وش اللي حصل عسى ما حد زعل من شيء قلته على حسن نيه
والحمدالله جت على خير
ومن ناحية الردود اللي فيها مدح والله يالربع ما نستحقه
وكل اللي قدمناه قليل لهذا المنتدى الشامخ بإعضائه الطيبين
اشكركم من الاعماق

ومن ناحية طرحي لبعض ظروف وعناصر المناخ فهي بنظري سهله
ومفهومه وبعيده كل البعد عن استخدام المصطلاحات المعقده
وهذا الامر قاله لي بعض الاخوان ممن حصل لي شرف المقابله
معهم
لكن ما يمنع من شرح اي نظريه او عنصر بالتفصيل
بعد ذلك ابشرو
وياهلا بالجميع

[مهب الهيف]

تستاهل أكثر يأبو محمد
ومن لايحسد سوف ينصفك
وأنت الخير والبركه قلتها في السابق
أنت الغواص ونحن على الشاطىء ننتظر ماتجلب لنا من درر
ولا أقولها مداهنه
والشمس لاتحجب بغربال
أسئل الله لك الخير في كل
وقت وزمان

[خالد العوض]

المشاركة الأصلية كتبت بواسطة الهوا الغربي

هل الاخاديد نفسها المنخفضات العلويه التي بات يرددها الكثير؟؟

نعم
هي عباره عن انبوب او دائره
من الضغط المنخفض

وتفصيل اكثر في الوقت القريب ان شاء الله

[خالد العوض]

المشاركة الأصلية كتبت بواسطة مهب الهيف

تستاهل أكثر يأبو محمد

ومن لايحسد سوف ينصفك
وأنت الخير والبركه قلتها في السابق
أنت الغواص ونحن على الشاطىء ننتظر ماتجلب لنا من درر
ولا أقولها مداهنه
والشمس لاتحجب بغربال
أسئل الله لك الخير في كل

وقت وزمان

اشكرك من الاعماق
والقادم افضل بحول الله حيث اني اطور معرفتي يوم عن يوم
وهذا بفضل الله ثم مدارس الانترنت

[راع العفر]

ماشاء الله عليك ياخالد العوض
مبدع بكل ما تحمله الكلمه

[عبدالرحمن المطيري]

اضم صوتي للاخوان
نعم هناك بعض المصطلحات قد لا افهم معناه
وهو شيء طبيعي جدا
فالخبير ليس كالاستاذ
والاستاذ ليس كالهاوي
الى الامام