لولـعـت دنياك في صـدرك النار = انص الرفاع ولع النار فيها.......

[نديم المجره]

لولـعــت دنـيـاك فـــي صـــدرك الـنــار
انـــص الـرفــاع ولـــع الـنــار فـيـهــا

وان زادتك زدها من اغصون الاشجار
الــيـــن تــبـــرد غــلـــةٍ مـحـتــويـهــا

ودن الـــدلال وطـسـهـا بـــن وبــهــار
بـريــةٍ راعــــي الــخــوى يشتـهـيـهـا

لـشـف منـهـا راعــي الكـيـف مـقــدار
تـطـري عـلــى بـالــه عـلــومٍ نسـيـهـا

لقـيـت انــا الـدنـيـا غرابـيـل واخـطــار
مــا احــدٍ سـلـم مـنـهـا وكـــلٍ يـبـيـهـا

عـنـيــدةٍ تـهـوى الـــذي عـنـهـا ســـار
وتقـفـي عــن الـلـي بالـغـلا مهتويـهـا

لا تـأمـن الـدنـيـا تــرى الـوقـت غــدار
مـثــل الـبـحـر تـشــرب ولا ترتـويـهـا

دنـيــا دنـيــه مـالـهـا صــاحــبٍ بــــار
تقلـب عـلـى الـلـي بالـوفـاء يحتريـهـا

تقطـعـت مــن دون الاجــواد الاخـبــار
ربــعٍ لـنـكـبـات الـدهــر نـحـتســيـهــا

احمد بن عبدالرحمن العريفي
(نديم المجره)

[خالداللهيبي]

دنـيــا دنـيــه مـالـهـا صــاحــبٍ بــــار
تقلـب عـلـى الـلـي بالـوفـاء يحتريـهـا

فعلا هذا هو حال الدنيا

صح لسانك اخي الكريم وتقبل تحياتي

[رذاذ]

صح لسانك نديم المجرّه
على هذه القصيده الجميله ...

كُن دوماً بخير ...

رذاذ

[جار كحله]

صح لسانك قصيد جميله جداا

[غانم الضومري]

فنجال وعلوم رجال

وحكم وأمثــــال ..

وعن الغائب السؤول


صح الشعر والشعور .. تكتب بماء الذهب ..

دام نبضك يانديم الشعر الجزل ..

تحيتي

[ابو سلطان العتيبي]

لا تـأمـن الـدنـيـا تــرى الـوقـت غــدار
مـثــل الـبـحـر تـشــرب ولا ترتـويـهـا

صح لسانك اخي وشاعرنا
احمد العريفي (نديم المجره)
على هذه القصيدة الرائعة

ودي واحترامي

-