كورة قدم صارت بها ترفع الروس

[الركام]

كورة قدم صارت بها ترفع الروس
ويهـدى لها عند النهـايه بعـد كاس

والناس صارت عندها دايم جلوس
في طبعهم دايم جلوس بلا حساس

لوتطلـبه ماجاك وتقـول مـحبوس
وعن الصلاة الـهاه وسـواس خناس

تضــيّع الاوقــات وتضــيّع فـلـوس
والمعذرة ماقلت انا كل هالناس

ياليت هذا الكاس يعطى لمحسوس
في علم والا في صناعة فـلا باس

لكـن على ماقـيل اتنكـسـت روس
غلي الفحم رخص الذهب هو والالماس

لاهيب فعل زيـن ولاهي بنامـوس
من اسمها كره بدت فعلها انجاس

طغت على ناس وكثرت بها هجوس
ومن حبها كم واحدٍ صار محـتاس

وان كان هاللاعب حلق شعره بموس
ياكثر مـنهم يـتـبـعــونـه بلا قياس

يالله عسى من قصدهم شر مدسوس
وكيدٍ للامـة كيد شـيطـان وسواس

تضرب على هاماتهم اكبـر الفـوس
حتى يتوب اللي نوى يهدم الساس

الركام

[سحاب شقراء]

ا

انا ماهمني شي بالكوره بس لا نسمعه يقول الكبتن فلان وعلان
الكبتن لقب قائد اف 15 والترنيدو واباتشي
رقطن تجوب الجومثل القرانيس
تسعربقومن فرق الله حللها

هم الي لايق عليهم الكبتنيه ويستاهلون ولا وش رايك يالركام