ياهاجس ٍ من ثلاث شهور مذيني
تزعل علي النساء لو اعلن حلولة
ابي حصانة من النسوان تحميني
وابا اتوكل على الله ثم ابا اقوله
ماللعنوسة حلولن كود حليني
الحل الاول يعود لحاكم الدولة
لابد تصرف على هذا ملاييني
لجل يتزوج شباب اليوم بسهولة
وثاني حلول العنوسة يالمياميني
في ايديننا شي نقدر دايم نطوله
اخذوا على الاولة وحده وثنتيني
وهذي ترى في كتاب الله مقيولة
لكن لا بد نعدل بالموازيني
لازم موازيننا بالحيل معدولة
ويالي غرامك جرى داخل شراييني
ادريبك اليوم من ماقلت مذهولة
وان كان عقب القصيدة ذي كرهتيني
المسئلة يابعد هالناس محلولة
ترى كلامي هذا ماهوب يعنيني
شاعر ولا افعل كلامن دايم اقوله
ابيلي وحده ووحده بس تكفيني
اربع حريمن صراحه غير معقولة
الشاعر/نايف بن عرويل
2006-05-20, 11:19 PM
قصيدة العنوسه
العرض الشجري