ربيع يوم الخميس8/12

[الروضة]

السلام عليكم ورحمة الله وبركاته
أخواني أعضاء وزوار البراري هذه صور لرحلتنا اليوم الخميس 8/12/ 1427هـ وهي لشعيب الوعالي ويوجد فيه غدران وصورة الغدير في الوعالي ولكن الربيع خفيف فيه
أما صور الربيع لشعيب العوج وهو ربيع حلو وهو على بدايته واعتقد أنه أفضل مكان بالنسبة للشعبان التي حوله
أرجو أن تنال الصور على أعجابكم خصوصاً أننا في بداية الربيع

[التميمي]

عليكم السلام ورحمة الله وبركاته

مشكور اخوي الروضه على الصور الرائعه اخوي وين يصير ذا الشعيب وان حصل توصيف بارك الله فيك وتقبل الله منا ومنك صالح الاعمال وكل عام وانت بخير

[التميمي]

عليكم السلام ورحمة الله وبركاته

مشكور اخوي الروضه على الصور الرائعه اخوي وين يصير ذا الشعيب وان حصل توصيف بارك الله فيك وتقبل الله منا ومنك صالح الاعمال وكل عام وانت بخير

[معدي المرقاب]

ما شاء الله

شعيب رائع وكبسه محترمه وصور جميله

والف شكر وتقدير وتقبل مروري

[الروضة]

أخوي التميمي
حياك الله وأنت تأمر ولو تبي أوديك لمه بعد ماهو عاد وصف والشعيب تراه حلو
طبعاً الشعيب يتفرع من شعيب بقر وأعتقد أنك تعرف بقر ( عند جراب )
وبالتحديد وأنت طالع من الأرطاوية متجه للزلفي تحصل مفرق يمين لجراب أتجه معه قبل جراب يقاطعك شعيب كله شجر كبار وفيه رمل رح مع الشعيب يمين تقريباً ثاني أو ثالث شغية على يمينك أتجه معها وهي سكة تطببك على العوج
أرجو أن يكون الوصف واضح

الأخ معدي المرقاب
حياك الله ومشكور على مرورك الكريم والكبسة هذي مانقصها إلا وجودك

[الخليجي]

والله هذا جنة في الارض

ياملا العافية اخوي الروضة مبدع في كل شي

ربي يسلمك

لازم لنا كشته بالشعيب عقب العيد

[nahham]

ماشاء الله تبارك الله ابو عبدالعزيز

ولا قلت لي رفيق بالرياض اعزمه خخخخخخخخخخخخخخخخخخ

عليكم بالعافيه وكل عام وانت بخير وعيدكم مبارك

[مخايل البروق]

ما شاء الله تبارك الله

عسى الله يعله بالسيل ونشوف ربيع يغطي الرجال

شكرا على هذي الصور الجميلة

[عبدالهادي المفرج التميمي]

يالله لك الحمد على هالخيراااااااااااااات

يالله يارب انك تالاه

والله صوووووووووور بطرااااااااانه

مشكوووور اخوي الروضة





سلام

[الروضة]

الأخ الخليجي
حياك الله وهذا من ذوقك الله يسلمك ومشكور على مرورك
أخوي أبو هشام
هذه الساعة المباركة التي نشوفك لو في الرد
وبعدين ترى الشعيب يستاهل العنوة نسق مع أبو ناصر عن الزيارة الخطافية تراك وآعدنا والربيع على أوله
ومرة أخرى يشرفني مرورك الكريم

أخوي مخايل البروق
اللهم آمين ومشكور على مرورك الكريم

أخوي أبو ناصر
حياك الله وياهلا بك والشعيب أفضل من الصورة ومثل ماقلنا لأبو هشام مناسبة في ها الإجازة
ومشكور على تشريفك الكريم