قصيدة هزت مشاعر الناس

[مدور الغيث]

https://www.youtube.com/watch?v=NB3j-cGJ6dw&feature=related

قصيدة لمحمد بن فطيس

اتمنى انها تحوز على رضاكم

ياهـيـه ألتفــت لدعايي لك ياهـيـه
ترى عادك بتشبع من البعد وتواجه
دعيتك بصوت ياصلك ليه ماتوحيه
وأنا أسمع ضلوعك من صدى الصوت لجاجه
عليك الفؤاد خلاجه مصبخ(ن) راعيه
خف الله براعيه ماتسمع خلاجه
ترى العفو قد جاك أوله وأغتنم تاليه
وترى الحلم بحر بس لاتامن أمواجه
وترى الود ليل مظلم جيت لك ساريه
سراجه وصالك والجفا ينفخ سراجه
وترى قصرنا ألي كم سنه نبنيه
هواء العذل طيح بابه العود وسياجه
لي أيام مدري وين دارك ولا أدري ليه
وأنا خابر أني باب شفك ومزلاجه
غياب بل سبه هجايد(ن) بل تنبيه
وجفا أغلى العرب نار على الكبد وهاجه
نضج قلبي من البعد وش حاجتك تكويه
جفاك الجمر وفي بعدك الساجه
وطبع حبك في قلبي والآيام ماتمحيه
هذا هجرك يحاول يموجه ولا ماجه
يمو ت الأمل لكن ظنون الغلا تحييه
وعروق الوفاء بالروح والقلب ووجاجه
خبرتوآ أحد يبكي على واحد يبكيه
وخبرتوا واحد مسجون مايبي أفراجه
أحبه ولا أبغضته على شي يسويه
ولا زالت أرقاب الرجاء فيه منعاجه
عسى منزل ضمه حقوق الوسم تسقيه
وتضحك له الدنيا وهو يضحك أحجاجه
فقد خاطري شي من الضيقه مسليه
وغدت روحي من الناس والليل هجاجه
أروح لمكان خابره خابره يأتيه
أسوق القدم صوبه وهي مالها حاجه
مكان نزيه وأول مواجهي له فيه
وانا خابر ان مارجل مثله دواجه
لعل وعسى ماحدني للمجي يدعيه
واشوفه وانا ماودي أسبب احراجه
يحب الجريح اخر دروب اللقاء ويجيه
وتحب القدم جيت مكان اول مواجه

كلمات/ محمد بن فطيس المري

[الركام]

اختيار رائع
مشكور ابو راشد

[غيمة سحابة]

قصيده رائعه اخوي تسلم

[الذعذاع]

اختياااار جميل جدا ابو رااااشد
صح الله ذوووقك
وصح الله لسان بن فطيس
لاهنت يالغاالي

[بروق الرس]

مكان نزيه وأول مواجهي له فيه
وانا خابر ان مارجل مثله دواجه
لعل وعسى ماحدني للمجي يدعيه
واشوفه وانا ماودي أسبب احراجه
عشت ياأبوراااااااااشد وأختياااارك ذووووق وانا من أشد المعجبين بشعر ابن افطيس وصح لساااااانه

[هند الربيعان]

يعطيك العااافيه

[مدور الغيث]

المشاركة الأصلية كتبت بواسطة الركام

اختيار رائع


مشكور ابو راشد

أشكر لك مرورك أخي الركام .

[ام الدانه]

عسى منزل ضمه حقوق الوسم تسقيه
وتضحك له الدنيا وهو يضحك أحجاجه


يسلم ذوووقك الراااقي قصيدة راااائعه

لك جزيل الشكر

[هميلان]

مشاركة متميزة
شكراً لك يا ابو راشد

[برق العارض]

قصيده رائعه جدا , يعطيك العافيه



الملح والزين ما احدٍ ياخذه بيده
وهايبٍ من عطا الرحمن سبحانه