يالله طلبـتك رحمتـك سر وإجهار ..

[رذاذ]

يالله طلبــتك رحمتــك سر وإجهار
تنزّل عليّ من السعــاده جبــالي ..

وتغيث قلبي صبر ومزون وأمطار
من عـقب هـمٍ قد تعنّــى وجـــآلي ..

النفس ماعادت رياحــين وأزهــــآر
الروح فآضت من عــذابٍ جـــرالي ..

العـين تبكــي دمعهـا سال مــدرار
والقلب يشكي غدر كل الليــــالي ..

والحال ماهي حال و الأهل والجار
كل من عرفنــي زاد همّه ورثالــي ..

الصبر من وين أشتري صبر وإصرار
دآم العمـــر عــدّى بدون المنــــــآلي ..

أدمت عروق القلب طعنات وأخبار
ماهي على الخاطر ولا جت ببالي ..

خلت فؤادي جمــرةٍ حولها النــار
في كل عرقٍ يحترق كم ســؤالي !!

يالله طلبتك في تصآريف الأقــدار
يامنـزّل الرحمات في كل جـالي ..

إنك تزيـــل الهم من قلـبٍ إحتـــــآر
وتشفي مريضٍ قد تعذّب بغآلي ..

وتشملني الرحمه عقب كل ماصآر
وتعــوّد الأفراح ،، ويزين حـــالي ..


اللهم آميـــــن


رذاذ