( العام معنا )

[صبح المطر]

[align=CENTER][table1="width:85%;background-color:darkred;border:10px outset sandybrown;"][cell="filter:;"][align=center]

السلام عليكم
كل عام وأنتم بخير
* * * * * * * * * * * * * * * * * * * * * *
* * * * * * *

البارحة ما نمت من كثر الأفكار* = *ما أمست عيوني كن فيها هزومي
أجاذب الونات والدمع مدرار *= *عيا يهيد الليل ما ذقت نومي
بس آتقلب ضايق البـال محتار *= *وألد وأشفق من مغيب النجومي
يا زياد بان الصبح بفروع الأسحار *= *وطيور همي في سمايه تحومي
من يوم قالو عيد في عرض الأخبار *= *والحزن باني لي. خيام الهمومي
العيد هذا طافيه فيه الأنوار *= *ما ودي ألبس فيه جد الهدومي
مؤمن وراضي في مقاسيم الأقدار *= *لكن لاحت بالضمير الرسومي
طرت علي. أيام وسنين وأدوار *= *ودنيا تقافت في منايا السهومي
ذكرت أبوي اللي فقدناه ما دار *= *عامه ولا غابت طواريه يومي
أزريت أجبر خاطري وأدخل الدار *= *لا شفت مجلاسه تضيع العلومي
العام معنا وسطنا راع الأذكار *= *سمح النباء راع الوفاء والعزومي
واليوم وينه مسجده فاقد الجار *= *اللي يصلي به ببرد وسمومي
اللي على الطاعة مشى درب الأخيار *= *اللي عقيدتهم تعز السلومي
راع النقاء والطيب شيمات االأطهار *= *تقواه تكبر عن مديح النعومي
يالله تجعل قبره رياض وأزهار *= *تمطر عليه مروحات الوسومي
براد وتحرم على وجهه النار *= *نعيم ما يلقى بداره خصومي
والموت حتن تنتهي فيه الأعمار *= *ما فيه عبد في حياته يدومي
سبحان رب الناس علام الأسرار *= *اللي عبيده له تحج وتصومي
حيٍ . أحد فرد.ٍ رحوم. وغفار *= *جل وعلا منشي مزون الغيومي
وصلاة ربي عد تغريد الأطيار* = *على نبيٍ بالرسالة رحومي

[/align][/cell][/table1][/align]