أستفسار عن مشاكل السيارات ((هنا))

[هاوي بر]

السلام عليكم ورحمة الله وبركاتة

حبيت أطرح هالموضوع للأكثرة الاعضاء كتابة مواضيع مستقلة عن مشاكل سياراتهم ...
وأنا طرحة هذا الموضوع لفائدة مثلاً واحد كتب مشكلة عن سيارته ووجد حلها .. ويجي واحد يكتب نفس المشكلة ويلقى حلها موجود

يله نبدا بسم الله الرحمن الرحيم اي واحد عنده مشكلة يكتبها هنا والله يكفينا شر المشاكل


أخوكم / أبوعادل

[هاوي بر]

نتعتذر عن أخوي الأبرق1 لنقل موضوعه للأرشيف لأخطاء في نقل موضعك لهذا الموضوع

اخوك ابوعادل

[المشراق]

اخوتي الكرام مشكلتي ان الزيت ينقص بعد ما تمشي السيارة 20000 اريد تجاربكم 0

السيارة جمس 8100 /2006 صالون دبل لازالت تحت الضمان لم اذهب للوكالة ( عارف انهم بيسحبوني ) ومشاوير وحجوزات ويمكن يلعبون في السيارة رأيكم يهمني وتجاربكم 0

[STORM]

ياخوان عندي صديق عزيز عليه معه سيارة مكسيما 97 .. وقدر الله وبوشت المكينه
لذا يااخوان وش تنصحونه .. هل يوضب المكينة .. لكن المشكلة ان المهندس يقول حتي لو وضبت
مابيضبط لأنها شبه تالف.. وقله أشري مكينه مستعمل ونظيفة !!

علماً ان لقي مكينة في التشليح نظيفة جداً موديل 99 وقالو له مع التركيب 6500 ريال
ياخذها ويتوكل على الله .. وألا يبطل ويأخذ مكينة وكالة !!

لكن بكم سعرها في الوكالة هل هي 7500ريال وألا أنا غلطان
وألا يعرف سعرها وكالة يخبرني ؟

وجزاكم الله خير

[ولد سدير]

اعتقد سعرها في الوكالة بحوالي 10 الاف ريال

لكن السؤال

كم ضمان هذي الورشة على المكينة ؟

وهل هي مركبة في سيارة والا مفكوكة قبل ؟ وكم هي ماشيه السيارة ؟

[المتمكن]

[COLOR="YellowGreen

"]السلام عليكم الولن اليه ميعرضه علامكنيكي ثاني

وثانيان اليه مييشتريمكين ويوضبه تتطلععليه باقل السعار اليانه معادهيبعيده عان المرسدس الموديل 2000

سراحتن وشهالسعار[/COLOR]

والله يكون بعونه


المتمكن

[الصقر الحر]

وراء مايدور له مكينه تجميع اليابان تطلع أرخص له من شراء الجديدة وأضمن له من توضيب القديمه

هذا راي والشور لكم


اخوكم
الصقر الحر

[عنيزاوي]

انا انصحه يوضب لدام سيارته قديمه موديل 97 والصراحه ما تستاهل مكينه جديده من وجهة نظري

[النـ ـ ـ ـ ــادر]

يالطيب خله يبيعها تشليح ويشتري له سياره جديده

[الخفوق]

السلام عليكم
ياجماعة انا مشكلتي مشكلة... عندي ربع نيسان موديل 2006 مامشى الا 30 الف كم
والمشكلة في كت آوت طرمبة البنزين!!!
خربت على 3 مرات في اقل من 6 شهور.
وكل مادخلته للوكالة صلحوه ومن ثم يخرب علي بعدين.
ابي شوركم يالربع .
وانكان احد تعرفونه يعاني من مشكلتي فسألوا تكفون.
"الواحد يشري موتر جديد خوفا من الورش بس المشكلة اذا عوكس معه!!"

×دخلاتي قليله على المنتدى , ولكن اللي بيفزع لي فهذا رقم جوالي ....... وايميلي ......ابو علي×