عندي ثلاث خوات ابعرضهن للزواج وانت اختر وحده منهن .

[ابو البر]

الآوله
جميله جدا
شعرها طويل بيضا طويله عيونها وساع جسمها متناسق شخصيتها قويه على امي وابوي ويحطون لرأيها احترام وكل البنات يغارون منها واذا حضرت لمناسبه او عرس كل الحريم يتلفتون لها بس اذا تكلمت يا لهوي ودك انها تسكت .لآن ثقافتها واسلوبها بالكلام غثيث ويلوع الكبد .

الثانيه

جمالها حليو ولاكن هي قوة ضاربه من ناحية الثقافه والفلوس مدرسه راتبها على طول بالبنك ولا تطلع منه ولو قرش شخصيتها مصلحجيه تداهن وهي مبتسمه تنتقد في كل شي عيونها مدققه تركز على كل شي حريصه ذربه ما تحب احد يظلمها ويا ويله اذا تعرض لها بحق او بباطل .


الثالثه


مملوحه ومقبوله صاحبة صوت هادي وحنينه علينا ودايم هاديه ولا تحب الصوت المرتفع ولا تحب تشوف احد زعلان

تعطي من راتبها اهل البيت هدايا

تواصل خالاتها وعماتها

تحبها الخدامه والسواق يحترمها ويشتكي لها اذا صار له ظليمه او اذا اخطا .

وعيالنا دايم يتصلون اذا صار فيه عزيمه هي بتجي او لا

ابوها يقول ما اخاف الا عليها
امها تقول وش فيها ذي اللي بيتزوجها بيتوطاها .

اخوانها يستشيرونها في امورهم .
الحريم في اي مجلس يتمنونها تتكلم عشان ياخذون برايها .



انا والله ما ابي اخون احد من الآعضاء اذا جا يخطب مني .

ابي ازوجهن وكل واحد يختار زوجته وانا ان شاء الله موافق .

[ابو البر]

هاذا اختبار بمناسبة العيد حبيت اشارك به

[خاطف الأضواء]

الثالثه ورد غطاها

[برق القوافي]

فاظفر بذات الدين تربت يداك

[ابو البر]

المشاركة الأصلية كتبت بواسطة خاطف الأضواء

الثالثه ورد غطاها

ههههههههههههههههههههههههه

فكر زين
وعلمنا ليش ههههههه

[ابو البر]

المشاركة الأصلية كتبت بواسطة برق القوافي

فاظفر بذات الدين تربت يداك

اكيد

بس انت ما اخترت رقم

الا اذا في بالك ان وحده منهن راعيت دين والباقيات لا.

هههه

[ربيع الساحل]

يا أخوي ابو البر هل هذا لغز تبي أحد يحله أم انها حقيقه وضح الله يعافيك

[ابو البر]

المشاركة الأصلية كتبت بواسطة متابع المنخفضات

يا أخوي ابو البر هل هذا لغز تبي أحد يحله أم انها حقيقه وضح الله يعافيك

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه



انت وش شايف

خلاص بنغير العنوان
عشان لا يروح بالك بعيد .




يا حبني لك بجد .

[ابو حمد]

ممكن بنت رابعه علشان يكملون عندي ميه 100
ههههههههههههههههههههههه
وابشر بالمهر الطيب لهم كلهم
لكن كلامك هذا يعني
1- القناة الاولى
2 - القناه الثانيه
3 - قناةالرياضه..
صح ؟؟والا .. لا؟؟؟ وترى فيه حلول اخرى .
ابو حمد،،

[محمد النجيبان]

ممكن تقول اعمارهن كم ؟