تقرير الامطار من اخوكم محب علوم الخير ابو اسامة الخميس 24اكتوبر

[((أبوأسامة))]

ياهلا وغلا ومرحبا بالوسمي يالله انك تحيي ذا السحاب السزين

الحمد لله عدد خلقه ورضا نفسه وزنة عرشة ومداد كلماته

الحمد لله حتى ترضى والحمد لله اذا رضيت والحمد لله بعد الرضى

مطرنا بفضا الله ورحمته

خذوا العلم الوكاد من محبكم في الله اخوكم ابو اسامة محب علوم الامطار

شق من سماء على المشاعلة والحجرفية جنوب غرب الرياض 50كم طريق الرياض مكة السريع سحب رعدية ممتازة وبروق حقوق يكلمني اخي الغالي ابو جابر المشعلي ويقول شعيب المزرعة فارشه رمل ومشى ولا يمشيه الا السحاب القوي وشعبان الديرة مشت وكلمه ابو فرج المسعودي من الحجرفية عنهم 7كم يقول شق من سماء

واكد هذه الاخبار ابو ثامر الحربي المراسل الاول بالعرض

ويقول من مزرعة شيهانة بعد المزاحمية الى كبرى مزارع الخالدية الماطر واحد والجزيرة بين السيدين سايله والارض مناقع

ويكلمني مشعل السبيعي من شيوخ سبعان رماح يقول انا عن رماح شمال شرق 30 كم ونشوف البروق بعد المغرب عنا شمال بروق متواصلة يخيلها يم العروق

واكد الخبر الشمري راعي النسيم

ويخيلها يم الرمحية

واتصل بي الضويان في ظهرة علية يالله لقط معه الجوال

يقول الظهرة جاها مطر خفيف

وشفنا البرق ثلاث مرات شمال غرب

وكلمني ابوعبدالعزيز من حريملاء شاف البروق شرق وقبل العشاء شافها جنوب غرب

وارسل لي راعي نعام ابو راشد يقول في مثناة نعام القيعة يشختل

واتصل بي ابو رويس يقول شوارع مخططات نمار تمشي من غمامة قبل المغرب

وذهبت لها انا والابن اسامة وافطرنا عندها ما شاء الله الشوارع تمشي والارض ملتبدة والناس كاشتة والدنيا فرحانة

وارسل لي ابو وليد من مخرج 13 يقول الشوارع تمشي

واابن ضاحي يقول معارض النسيم جاها مطر زين

ويقول المشراق الروضة صبت مرزام

وحمد الموسى بالعيينة شاف البرق وسمع الرعد عنه جنوب قبل شوي

اتصال الان من الغالي جازع من محافظة السليل

منطقة ثجر التابعة لنجران شمال 100كم جاها شيء من عظمة الله

وشرورة اتصال مع احد اضباط يقول العرق محري بالمشي والمطر طيب بالحيل

وغرب السليل العرق محمر من مطر خفيف

والله تعالى اعلم

مع العلم ان جوالي الجديد
0598187139
مع الاحتفاظ بالرقم القديم
0555203282

وتذكروا دائما شعاري الأول

معرفة الرجال تجارة

[**ابوعمر**]

ماشاء الله بارك الله

الله يعم به كل الاوطان يالله يارب

عشت يابو اسامه

وشكرا على هذا التقرير الشامل

بارك الله فيك

[رعد شقراء]

الله يبشرك بالخيراخي ابواسامه اخبار مفرحه الله يجزاك خير

[التميمي]

حياك الله يا ابواسامه
والله يبشرك بالخير

[المبشر]

بارك الله فيك ياابو اسامه وجزاك الله خيرا على نقل مثل هذه الاخبار

[&&قاهرهم&&]

بارك الله فيك

[العكلاوي]

بارك الله فيك وايزين علوم الخير والحيا

تلقاك يوم تكتب هذه الأسطر وأنت في قمة السعادة ولو طلبك أحد شي نفذته

هههههههههههههههههه

اخوك العكلاوي

[العنبري]

حيا الله ابواسامة

الله يبشرك بالخير

تقرير رائع ومتابعة اروع

الله يعطيك الصحة والعافية

وان شاء الله تعم الامطار كل الديار

تقبل مني كل الشكر والتقدير

[عبد الله الحقيل]

ماشاء الله تبارك الله

اللهم اجعلها أمطار خير وبركة وبإذن الله بداية خير لموسم خير

مشكور أخوي أبو أسامة

[محمد النجيبان]

الله يجعلها أمطار خير وبركة
جزاك الله خير