يالله عطى منك مايعطيه خي لخوه

[رعد الشمال]

سبحــانه المعتلي عـــداد مـن سبحـوه
مـن سبح بمسبحه مـن بين اصابع يده

وأستغفره عـن ذنوبي عـد ماستغفروه
واعقد اصابع يـدي لــو ماحفظت عدده

وأحمده وأشكره وانتم حمدو واشكروه
اللي ليا اعطى يـزيد اللي شـكر وحمده

وارفـع يــدي طالبه وانتم معي وحـدوه
مسلم ولا لــه إلـــــه غــــيره موحــده

يالله عـــطى منك مايعطـيه خــــيً لخوه
وبريــــــرة مـايبره والـــــــد لــولــده

رزق يشتت عيال الفقر وامــــه وابــوه
ويـعدل اوضـــاع عــبد ضـــايع ببلــده

البارحــه قــمت اعــدد نجــم ليل سروه
ناس لـــهم بالحـــياة مكافــحه وجـلــده

يجرون جري الوحوش وليلهم ماغفوه
احــلامهم مبعــده واوضاعــهم مجــلده

واليوم راحـــت بهم واللي خذوه تركوه
عليهم الارض صـامت وارمست وخلده

وانا بثرهم عــلى خــطوات درب مشوه
اكافـــح اللي يكافح والجــــروح اضمده

يالله برزق هـــل الحـــيلات ماحايلــوه
العفـن ماجـــاء عـــلى بالـــه ولا بخـلده