قصيدة في اختي بعد الحادث

[عبدالمحسن الرحمه]

بسم الله الرحمن الرحيم
وشلونكم طيبين تأخرنا عليكم لاكن ظروف الله العالم بها
هذي قصيدة جاني خبر عن اختي حصل عليها
حادث مع ابنها تأثرت بي إصابات خفيفة ضاق
صدري عليها على ما احمل من هموم ومشاكل
عسا ان تنال إعجابكم اختي هذي لها غلا غير
طبيعي عندي



يابو حمد والقلب كثرت بلاويه
ماني على كثرت بلاويه قاوي
تعبت أهدي حالته واعتني فيه
عساه يدله عن كثر البلاوي
وقته حداه وزود حظه معاديه
والهم ذيبٍ في حشا الصدر عاوي
زوَّد على حاله وتلة عراويه
فجعه علمٍ كنه النجم هاوي
علمٍ شديدٍ ما تحمل طواريه
نزل على غاليه أمرٍ سماوي
غالي سكن في داخله حيل باغيه
هو غاية المقصود حبه يداوي
مافيه غيره في حضوره يساويه
حبه يساوي عاشقين النداوي
أطلب عسى ربي يحقق رجاويه:
يارب حقق له جميع المناوي:
هذا عديل الروح مانيب ناسيه:
الله لايقطع كبار الرجاوي:
مما شكا أدعو عسى الرب يشفيه:
حبيب قلبي ماله أحد ن يساوي:
يالله من خيرك وحسناك تعطيه:
ماخاب من يرجي جزيل العطاوي:
يرتاح قلبي يوم أزوره وأحاكيه:
تهون من شانه جميع الخطاوي:
ياحي ياقيوم عني تجازيه:
باحسن جزا وتجنبه للمساوي:
وده ولو يغلى على طول نشريه:
أشريه أنا واسمي بعيد الهقاوي:
يالله يارب ن نخافه وندعيه:
تغيث لبلادي بسيل ن نحاوي:
سيل ن يعم الأرض يتبع مجاريه:
نلقى الفقع بالنفد هي والصداوي:
أكشت أنا وأختي وللفقع نجنيه:
وصل الرحم وثق جميع العراوي

[الوااا(بالله)اااثق]

أخي الحبيب
الشاعر / عبدالمحسن الرحمه

حمدا لله على سلامة أختكم وابنها جراء الحادث وأدام الله عليكم الألفة والمحبة

القصيدة رائعة بحق مهما قلت فلن أوفيك حق ما قلت فيها من مشاعر جياشة تجاه أختكم حفظك الله لها وحفظهم الله لك

[الركام]

صح لسانك ياعبدالمحسن الرحمة
والحمدلله على سلامة اختك وبيض الله وجهك

[بقآيآ .. حرف]

الحمد لله على سلامتها
صح لسانك شاعرنا الجزل
كل التحايا

[عبدالمحسن الرحمه]

المشاركة الأصلية كتبت بواسطة الوااا(بالله)اااثق

أخي الحبيب
الشاعر / عبدالمحسن الرحمه

حمدا لله على سلامة أختكم وابنها جراء الحادث وأدام الله عليكم الألفة والمحبة

القصيدة رائعة بحق مهما قلت فلن أوفيك حق ما قلت فيها من مشاعر جياشة تجاه أختكم حفظك الله لها وحفظهم الله لك

مراقبنا العزيز أحرجتني في هذا الرد المميز
الله يطول بعمرك ويخليك
كل التحايا لك سيدي وصح الله ابدنك

[عبدالمحسن الرحمه]

الركام ياهلا فيك صح الله ابدنك
الله يتقبل دعواتك

[عبدالمحسن الرحمه]

بقايا مراقبنا العزيز
دام عزك ياهلا فيك
صح الله ابدنك
كل الشكر على المرور العطر

[عابر سبيل]

هلا وغلا بشاعرنا المميز عبدالمحسن والحمد لله ع سلامة اختك وابنها والله يحفظك انت ومن تحب من كل سوء ..
ابيات جزله من شاعر جزل وشهادتي فيك مجروحه يالقررررم .. أنت من النجوم التي تضي سماء البراري الشعرية ..
تقبل محبتي وتقديري واحترامي ،،،،

[عبدالمحسن الرحمه]

المشاركة الأصلية كتبت بواسطة عابر سبيل

هلا وغلا بشاعرنا المميز عبدالمحسن والحمد لله ع سلامة اختك وابنها والله يحفظك انت ومن تحب من كل سوء ..
ابيات جزله من شاعر جزل وشهادتي فيك مجروحه يالقررررم .. أنت من النجوم التي تضي سماء البراري الشعرية ..
تقبل محبتي وتقديري واحترامي ،،،،

ياهلا فيك عابر سبيل
أسعدتني بهذا الرد المميز
والجميل شكرا لكم بحجم
السماء تقبل وافر الود سيدي عابر

[رذاذ]

قصيده بآذخه تناسقاً ومضموناً وفائده ..
صحّت يمينك شاعرنا عبدالمحسن الرحمه ..
حمداً لله على سلامة الغاليه ..
أسأل الله أن يمُنّ عليهم بالشفاء ..
حقاً ..
لتفخر أختك بـ أحرفك العذبه .. ولتسعد بقلب أخيها العزيز ..
،
حفظكم الله وأدآم أخوّتكم الجميله الصادقه ..

رذاذ