قصة وقصيدة..خلف وسعدى استغفري يابنت يام العشاشيق

[ام العنود]

بسم الله الرحمن الرحيم
السلام عليكم ورحمة الله وبركاته
اليوم ابطال قصتنا الفارس خلف بن دعيجا وسعدى
هذي قصة جرت بين فتاه اسمها سعدى والفارس والكريم المشهور
خلف بن دعيجا(مهودي على روس الفطر) ,من شيوخ قبيلة الشرارات .
وسعدى تسمع عن غزوات خلف وبطولاته , فأحبته من صيته ,
والأذن تعشق قبل العين احيانا ..

وتمكنت من شوفه وعرفته واعجبتها هيئته وشكله زياده على فروسيته
رغم كثرة الغزواته , لكنه ماشافها ولايدري عن غلاها له .

وغزى خلف بن دعيجا , على قبيلة البنت ,
المهم , حصروهم الأعداء , و خلف ابن دعيجا اسر بدون منع!
والأسر بدون منع يحق للآسر في هذه الحاله اما القتل او العفو .. او
طلب فديه , كلن وشيمته!
وكان خلف دايم يغزي عليهم وياخذ منهم , ويريدون الخلاص منه ,
لـكنهم يوم طرحوه , مايعرفون شكله!؟
وناويين اذا كان خلف انهم يذبحونه لأنهم ولوه بدون منع!
واذا هو من عرض هالناس يتركونه .. لأنهم قبل يكرهون بسبب شراسته في القتال ,
وعلشان كذا قتالهم كر وفر .
وشكوا انه خلف لأنهم شافوا منه فعل عظيم قبل الأسر , لكنه أنكر انه
خلف بعد ماتمكنوا منه.
واحتاروا بأمره , ويدرون ان سعدى تعرف شكله , بس مايدرون انها تحبه!
قالوا نسأل سعدى لأنها هي الوحيده اللي شافته؟!

ويوم جتهم قالوا لها هذا خلف؟
وهي عرفت انهم يبون يذبحونه.وهو عارف ان مصيره القتل اذا قالت هذا خلف!
والرجال محاوطينه يبون ياخذون راسه
وهو وجهه اسمر من كثر المغازي ..
ضحكت وقالت : تحسبون هذا خلف! . لالالا هذا عبد من عبيده؟!
قالوا : خلوا هالعبد يولي ...
قال على الفور لا واجاب بهذه االابيات :
سنٍ بدالي ذوق سكـر ولاذيــق ::: وعينٍ قزت من عقب ماهي قبالي
وابدت علي بريطمٍ به زواريـق ::: وبمفرق القذله سـواة الهلالـي

استغفري يابنت يام العشاشيق ::: عن قولك اني من عبيد الموالي
حنا عبيد الرب سيد المخاليق ::: ومماجرى يابنت هذي فعالي

انا خلف زبن العيال المشافيق ::: لياحل في تال الركايب جفالي
يابنت حماي النضا ساعة الضيق ::: شيخ تخضع له سباع الرجالي

حمايهن في ساعة ييـبس الريق ::: ومن دورن يلقان عندالتوالى؟!
انتم خزايزكم طوال السماحيق ::: وخزايزي شمط اللحى والعيالي ..!!

فلماسمعوا قصيدته عرفوا بانه (خلف) فاعجبتهم شجاعته واطلقوا
ســراحه وخــرج منهم معززا
وسلامتكم

[كمال البدور]

الله يجزيكي الخير على هذا النقل المفيد
ذكرتيني في رحمة عمي الله يرحمه
كان دائما" يقصدها لي ، وكنت احب اسمعها منه دوم
الحمدلله على السلامه ، وكل غيبه بسلامه
اشكرك وتقبلي مروري

[ابو طلال الفيفي]

قصة جميلة استمتعت بها والقصيدة كانت رائعه ...

سلمت يمناك ع هذا الابداع اختي الفاضله

[ولدالشمال]

مشكووووووووووورررررررررررررره

[ولدالشمال]

مششششششششششششششششششششششكوووووووووووورررررررررررررر ررررررررررةةةةةةةة