قصيدة الجيب النيسان (الفتك)

[أحمد السكران]

https://www.youtube.com/watch?v=P4xdlMTRDuw


راكب اللي كن نوض البرق وسط عيونه
ماتفنن فيه لا صيني ولا امريكاني

الدلع في وقفته والموت في طبلونه
لامسك خط السريع وسايه فناني

كنق في شكله وفي عزمه وفي مضمونه
مركبٍ للشيخ والا مركب البطراني

ما التفت للهاي هاي اليا بغو يشرونه
مار كبدي كنها تصلى على النيراني

ماحسدهم بس خايف لاطغو يشقونه
ادري انه مايناسب كشخة الورعاني

فتك ياباني يشوّق سايقه بفنونه
شوفته تبري جروح وتكحل الاعياني

داخليه خارجيه فتنةٍ مع لونه
واهني اللي يحط فلوسه بنيساني

سايقه باعطيك من قلب الشقى مكنونه
دوك ظرفٍ مايشيل اسمي ولا عنواني

وسط درج الجيب خايف لاتروح بدونه
انتبه له وانتبه لي خايفٍ تنساني

ولا وصلت لديرة اللي شفت موتي دونه
الحبيب اللي لعب في حسبة السكراني

حط ظرفي في مكانٍ ماش خلق يجونه
بين مسجدهم وبين البيت والدكاني

اه ياكود الغرام وساعةٍ ياهونه
بين نيران الفراق وجنة الخلاني

أحمد السكران

[الركام]

صح لسانك يااحمد السكران
اجدت فيها بالشعر والوصف
وياهلا ويا مرحبا بك
وننتظر جديدك ومشاركاتك

[بقآيآ .. حرف]

حط ظرفي في مكانٍ ماش خلق يجونه
بين مسجدهم وبين البيت والدكاني

اه ياكود الغرام وساعةٍ ياهونه
بين نيران الفراق وجنة الخلاني
صح الله لسانك أبو حميد
طله عزيزه ومشاركة رائعه
أبدعت يالجزل بالوصف
تقبل مروري وتحياتي

[أحمد السكران]

المشاركة الأصلية كتبت بواسطة الركام

صح لسانك يااحمد السكران
اجدت فيها بالشعر والوصف
وياهلا ويا مرحبا بك
وننتظر جديدك ومشاركاتك

صح بدنك ياغالي ومن ذوقك وابشر بالخير ان شاء الله

[أحمد السكران]

المشاركة الأصلية كتبت بواسطة بقآيآ .. حرف

حط ظرفي في مكانٍ ماش خلق يجونه
بين مسجدهم وبين البيت والدكاني

اه ياكود الغرام وساعةٍ ياهونه
بين نيران الفراق وجنة الخلاني
صح الله لسانك أبو حميد
طله عزيزه ومشاركة رائعه
أبدعت يالجزل بالوصف
تقبل مروري وتحياتي

صح بدنك ومن ذوقك الله يعزك

[عبدالمحسن الرحمه]

صح الله السانك شاعرنا القدير
احمد ابو عثمان
كن بخير دائما

[أحمد السكران]

المشاركة الأصلية كتبت بواسطة عبدالمحسن الرحمه

صح الله السانك شاعرنا القدير
احمد ابو عثمان
كن بخير دائما

صح بدنك ياحبيب قلبي وجعلك دايم بخير