قصتي مع البنزين

[خذ وخل]

قصة حصلت مع الكثيرين . وجدت أحد من جربها قد قصها على أحد المواقع و نقلتها لكم للمتعة فقط مع العلم أني أحد مجربي مادة البنزين الأحمر أبوصيص الله يذكره بالخير



قصتي مع البنزين

وانا صغير تقريبا عام 1419 هـ كنت مريض بامراض كثيره سنطاريا وديدان وامراض نسيت اسمها وكل يوم ابوي يوديني لمستشفي وكل يوم مشاوير ومصاريف مستشفيات الين طفش ابوي من كثر المستشفيات (ابلشنا هالولد) واستمر باالعلاج ومافيه فايده شكل الديدان الي كانت معي فالتها وماتبي تروح (شكلها فارسيه يقولون الفرس عنيدين ) وكل يوم دواء غير الاول ومستشفى غير الاول طبيب غير الاول .
وكل مااكل اكل ماستفيد منه الين تطورت الحاله من كثر الادويه وزاد الطين به وصار عندي سوء هظم قال ابوي يبيلك طب شعبي وجاب لي حله(الي مايعرف الحله يروح للعطار ويقولون عطني حله ويدعي لي ) وجاب انواع كثيره من الحله وجربها معي ومانفعت الين فكرت اذا كبرت افتح محل عطاره خاص بالحله(صاير خبره ) وطفش وجلست فتره بدون مستشفيات وصرت نحيف مره يعني جلد على عظم .
الين جا واحد من اخويا ابوي وقال خله يشرب بنزين (وقتها كان البزين الي مظاف له رصاص ) وكنا يوم خميس الا وابوي داخل ومعه كاس كبير مليان بنزين وكان الوقت تقريبا 11 الصبح وكنت العب بلايستيشن انا واخوي الكبير وولد عمي
وابوي يقول اشرب كاس النزين وانا اطلبه وامي واخواني نبي عساه يهون ولا معزم يقول لابالقوه بتشربه ولا بالرضا المهم رضينا بالامر الواقع وصرنا نفاوضه على تقليل الجرعه نبي عساه يخليها بياله شاهي مليانه بنزين وبعد محاولات وتدخل الدبلوماسين (امي) وافق وقال اذا مانفعت بتشرب الكاس كله
المهم شربت البنزين وشرب 3 كيسان لبن كبيره على شان اقلل المفعول وكل شوي اترع (اووووووووووو) وترعه كلها بنزين وجلست ساعه ماطلع مفعوله رحت العب بلايستيشن مع الشباب وشوي شوي صرت فاقد وسكران ومن الفقده رحت نمت في الشمس ويقومني اخوي واروح اجلس على مدخل البيت(سكران وش تتوقع منه ) وابوي يقول خلوه المهم رحت نمت وصحيت العصر العرق يصب مني صب وبطني فيه نار شابه وعلى طول رحت للحمام وجلست في الحمام الي بعد العشا الدود لعن ابو حظه الي خلاه يجي في بطني حصل اباده جماعيه للديدان ونضف بطني والي درجه اني صرت اشرب الماء وينزل الين حسيت ان كبدي تقطعت وبطني تقطع وعلى طول رحت ونمت وصحيت الظهر يوم الجمعه طبعا ماصليت لان ابوي يقول لا تصحونه خلوه نايم
المهم جا الغدا مظغوط حاشي وانا اقول ماراح ينهظم تغديت ولا اول مره من بعد سوء الهظم الي فشلت الادويه تعالجه عالجه البنزين وانهظم اكلي زين
وتحسنت صحتي والي الان والحمد لله
رويت هذي القصه للكثيرين منهم من قال انت مجنون ومنهم من لم يصدقني
وانا جربت البنزين ونفع معي بس لااحد يجربه اخاف يموت


هذي القصه حصلت على فعلا

[عاشقة الصواعق]

هههههههههههههه

سبحان الله

يعطيك العافيــهـ

على هالمشاركة الرووووعه

تحياااتـــو

[أعالي السحاب]

جزاك الله خير
موضوع أعجبني

[عز الخوي]

يعطيك العافيه على القصه