ألا يامعرض رجـل مغليـك للمرقاب ... أثـر بالـطوال تـفرج الـهم يـاراعـيه

[هواي البر فهد]

السلام عليكم ورحمة الله وبركاته
انقل لكم قصيده لشاعر من اعذب الشعراء على الساحه الشعريه

الشاعر .. حمد سعيد

دخيل الغلا اللي راح واللي وقـف مرتاب .... بسميـه عشقٍ وأنت مدري وش تسميه
ودخيل العيون اللي عليها الـحلاا جذاب .... تشوف الـولع فيهم ولا تدري وش تاليه
دخيل المكان اللي جمعنا ولا هـو إعجاب .... إذا لـي مـعزه طـاري البعد لاتطـريه
لو تشوف وضعي عند ماتلتـقي الاهداب ..... لك لـو لك نـيةٍ بـالجفـا تـلـغيـه
أنا وأنت غايب كن وسط العـيوون ترااب .... تنـام الـخلايق ولا أنا النووم مالي فيه
ذبحني غلاك اللي سرى مـثل سم الدااب ..... طـفح بالـعروق وكـل ماوافـقه ينهيه
بقى قلبي اللي ماذبحتـه وأهو منصااب ..... أنـا ادري تبي تـستوطنه يومك تـخليه
سكنته وأهو عمره قـفل بالوجيه البااب ..... أنا أعرف قلبي لاعشـق لارحـم والـيه
يجي كله من أقصـاه ويحب بأستغراب ...... وفـا فـيه مـاهو مع بشرر ليتك إداريه
ترفق على قلبٍ تـلوع بـك ولا تـاب ...... تـعذب ولامـنه نـوى الـبعد مايـمديه
تمكنت به حيث الولع مـثل غرس الناب ..... مصـيبتك تـدري بـس ليه المفارق ليه
ودخيل الجمال اللي تـلافت له الارقاب ..... وأنـا اللي لـفتني زينك وجـيتك مباريه
تمعنت فيك وجيت هـايب وانا ماهـاب ...... ولاقـفيت عـنك إلا وأنا هالغلا معطيه
عليك العيون اللي لهن فعل غزو عقاب ...... ضـعيفات خـلقٍ بس ياويـل من تنويه
ولك نور وجه(ن)كن لك بالنجوم أنساب ..... ولـيل عـجز من طووله الكف لا يسرريه
ولك مبسم(ن) مـاكنه الا شـفق الغياب ..... حـمار(ن) من الله جمر من ولـعه ناسيه
عبث وأنت مقبل تستفز وتثير أعصـاب ..... تبي تـلفت الانـظار منـااااك لي منييـه
عبث وأنت مقفي تاخذ وتكسر الالبـاب ..... عـبث جـاهلٍ توه مـشى فبيت من يغليه
دخيلك على بعضك ولاهي بدعوى عتاب ..... تـعيـد الـنظر فـالبعد من قبل لاتبـديه
عليك الله أكبر وأنت حكمك شريعه غاب ..... تجـيب الـطعون وتجرح الخافق وتدميه
وأنا أموت فيك وصال وأموت فيك غياب..... وإهـي مـوتة وحـده مع فارق التشبيه
ومن قال مابه موت بالحب قـلت كذاب ..... (جميله وبثينه) مـاذبـحهن مرض ياهيه
أحبك ومن حبك خسرت أغلب الاصحاب ..... أذا عـاتـبوني فـيك أعتـابهم مـابـيه
أحبك حبيبي ولا تسأل عـن الاسبـاب ..... أنـا لـو أعرف أسبـاب حبك قدرت أنهيه
ألا يامعرض رجـل مغليـك للمرقـاب ..... أثـر بـالـطوال تـفرج الـهم يـاراعـيه
أنا بسألك؟؟ هو صحيح الهوىى غلاب ..... أنـا بنـصح اللي مثـل شـرّواي لايمشيه
ومن لايحّسب بالهوى للفراق أحسـاب .... لك الله مـاغـنى سـلامـه يـبي يـغـنيه
مثل هل دمعي وانت رايح وطرق حجاب.... ومـثل مـارمى عبدالحليم الـزهر يـرميـه
وأذا فيه بكتاب النحو للـفراق إعـراب..... فـهو فـعل مـطلق بالبشر والجفا ماضيه
الا ليت ربي ماخلق بالـغرام غـيـاب ..... وإذا فيه فـرقا طـاري الـحب لانـطريه


وسلامتكـــــــــــــــــــــم

[ام العنود]

وأذا فيه بكتاب النحو للـفراق إعـراب..... فـهو فـعل مـطلق بالبشر والجفا ماضيه
الا ليت ربي ماخلق بالـغرام غـيـاب ..... وإذا فيه فـرقا طـاري الـحب لانـطريه

راااااااااااااااائعة هالأبيات

صح لسان الشاعر الكبير حمد السعيد
هواي البر فهدكعادتك
التميز والذوق الجميل
شكرا لك على هذا النقل الرااائع
عساك على القوة

[ام الدانه]

صح السان الشاعر واختيار جميل وذوق راقي ومتميز تسلم يمينك تقبل مروري ام الدانه

[الركام]

مشكور على الاختيار الجيد

[كمال البدور]

أحبك ومن حبك خسرت أغلب الاصحاب ..... أذا عـاتـبوني فـيك أعتـابهم مـابـيه
أحبك حبيبي ولا تسأل عـن الاسبـاب ..... أنـا لـو أعرف أسبـاب حبك قدرت أنهيه
كل الشكر اخوي هواي البر فهد على اختيار هذه القصيده المعبره في ابياتها

[فهد السهلي]

مشكور على شا عر

عساك على القوة

سبحان الله وحمدة سبجان الله الغظيم



فهد السهلي