الكسرة و بحور الشعر .. شعراء البراري

[أبو سيرين]

حتى حـلـيـب امــه طـراشي
مـا يـنـفـع ولــو يـصـفــونه

قالوا السـبب فيه الاحباشي
تركوها في الشبك مسجونه

[شطر]

سلام من خاطرن مسرور
يوزع الطيب وزهوره
لأصحابي اللي هنا بالدور
ترحيب له شان بحضوره

شطر

[البارق الغربي]

يامرحبا واقبل معاك النور
والمنتدى زاد،، في نوره
حضرت وصفق لك الجمهور
ياشطر بناخذ معاك صوره

البارق الغربي

[سمو المشاعر]

اهلاً بحزة صفا وحبور
بمقدم اللي نبي حضوره

شاعر لدينا وهو مخبور
قريحته. تفوح. بعطوره

[سحاب شقراء]

انا اشهد ان خاطري مكسور

والحال عن الناس مستوره

احدن يداعب بنات الحور

وحدن عجوزه لها ثوره

امقسمه قسمه الماجــور

بمـره تجـيلـه ومامــوره

سحاب شقراء

[أبو سيرين]

من شـافك يقول ذا مذعور
الـمــوت جــاه وبـدا دوره

يـا صـاحبي لا تـلف ودور
الروح ما تصيبها الخوره

روحك شباب وتشع النور
والقلب أبيض من النوره

[سحاب شقراء]

لو التمني يجي بحظور

كان اتمنا يجي حظوره

سحاب شقراء يبيله دور

ودنياه ترجع له بدوره

[أبو سيرين]

عيش بحـياتك وطيع الشور
والـنفـس قـنعـه ومسـروره

ومن لا ضبط نفسه ومطيور
مـصــيره يـــبـان مـخــبوره

[سحاب شقراء]

شفني كتاب لكم منشور

اقره وبتشوف منشوره

مثل الصحاري تجيه دهور

ولا امطرت غنت طيوره

[أبو سيرين]

بعض المطر في الصحاري البور
يزيدها ...... قفر ..... وخطوره

مثل الزمن .. يكشف .. المستور
والله ... يحفظنا ..... من جوره