سحاب شقراء -قصيده وجاني رد عليها قلت تشوفونها يالغالين

[سحاب شقراء]

هذي قصيده لي وجاني رد عليها قلت اوريكم اياها






يــااللــه صـــندوق الحشــى ظاقــت ركونـــه

وضاقـــت علي الوسيـــعه وقلــت عــزالــــــي

يــااللــه يـاللـــي تعلــم الحــال وشلــونــــــــــه

مـا غيـــرك أحـــد,ن يفــرج ظــيقـــة البـــــالي

أحـــس بــهموم ثــقل طويـــق مـــازونـــــــــه

تبـــرك على الــقلــب ومنـــها الدمــع همــالي

قـــالو ســـحابن ثقــــيل وتبــــرق مزونــــــــه

قلــت إيـــه مــا تدرون عـــن لاهـــب الصـالي

ذا البــاب صكــوه و طــلـبه لا تهـــجونــــــــه

خـــلوني أبكـــي واهـــل الدمـــــع بلحــــالـــي

أحـــس أنـــا بشـــئ أنتـم مــا تحـــسونــــــــه

وبطـــوح الصــوت كنــي مـن العــقل خـــالـــي

ســــــــمو عليــــــه و قـــــلبـــي لاتـــلومونــــه

ودعـــوا لـي الــلـه أهو للغــــيث نـــزالــــــــي

سحاب شقراء

------------

وهذا الرد على القصيده والله العظيم اني نسيت منهو الكبر مامعه عيشه وبس




سحاب نجد يومنه تغنى جاب موزونه

تهيض واستهاض القرم جاك الدر هلهالي

الا ياراعي الشقراء لذيذ القول ملحونه

شكيت الهم وانت اعلم يدوس الناس من جالي

ابرق بين الاسطر وارجي اني صدت مكنونه

ولكني أَعُوُد وكفي من الصيد ما نالي

انا من خبرةٍ عندي تجيب الشك وظنونه

ترى اللي طوح بصوته ويبكي في خلى خالي

اكيد انه صويب الحب يرجي شوف مزيونه

ولا له حل كود الحل جمع يطرب الحالي

يا بونوره طريق صعب دون الخل من دونه

خطير يثر بقلبك يجي بالعقل خلخالي

ولا لك غير درب ترجي المعبود وتصونه

حري يلطف بحالك يقرب مطلب عالي

ودور صحبه تمشي الى الرحمن يرجونه

تعين وتستعين بها على النولات يالغالي

-----------

وهذا ردي عليه يوم يقول اخاف انك تحب


هـلا ويامرحـبابك عـد ماهلت من مزونه
وعددماهزت النود النديه غصنها ومالي

هلا بالصاحب الي يعزف القاف بالحونه
ويحل اللغازها لوهي تلاطم موجها بعالي

ترا ذا الي مضايقني مهوب فراق مزيونه
خلاص الحب ودعته عليمن يبخص الحالي

وعلى قول المثل جعله بحمله ثار من دونه
وجم البير سربته وطويت رشاه ومحالي


انا اشكي عيون الحاسدعساها للعمى عيونه
ونفسن بالحزن صابت وسهم العين قتالي

يقوله صفوه الدنيا ترا ثلث امتي يجونه
الاحسبي على نفسن تصيب المسلم السالي

سحاب شقراء