بين الطائف والباحه لقينا وساعة الصدر والبراد والأمطار 27 ـ 28 ـ 29 /6/ 1431هـ

[rhaal]

بسم الله الرحمن الرحيم

السلام عليكم ورحمة الله وبركاته
صباحكم / مسائكم خير ومسرات
حيا الله الجميع
تقرير عن أجواء ورحلتنا بين الطائف والباحه (طريق الجنوب السياحي)
والله يذكر ديار نجد بالخير (ولهنا لها)

وبإذن الله نوافيكم بالأمكان الأخرى في الأسابيع القادمه
نخليكم مع الصور وبعض الشروح لها من معلومات ووصف وغيرها...


1
يوم الإربعاء الموافق27 / 6 / 1431هـ
أول ما طلعنا من الطائف كانت النية لسمنان وسمينين فقط من عند ثماله
وكانت هذه الصوره معبره لمناخ وطقس هذا اليوم الجميل (المنعش بصراحه عقب حر الرياض)


2
وبعد مشاهدت السحب والغيوم بإتجاه الجنوب تغير الراي والوجهه (بدل التكية وبراد الشاهي إلى مطارد السحاب)
وتقدمنا بإتجاه الحنوب أكثر وأكثر واستقبلتنا هذه الخيرات وبدايتها


3
زاد الرش وقوى شوي شوي


4
وفرقنا مع مفرق بني سعد عند التحويلة (طريق الجنوب السياحي)
وكان كما توقع خويي ابو عبدالمحسن مطر غزير


5
زاد (والله يزيدهـ دوم) ويجعلهـ عطاءً برحمه


6
استمرينا بالذهاب جنوباً وبدال كشتة عصر صارت ثلاث أيام (إنغرفت عقولنا مع المطر)


7


8
وصار المطر مثل الموج يسحبنا وحنا ماندري عن الطريق


9
بعض الهماليل بالطريق


10
ركوبنا لازم نرضيه بصورهـ


11
سيلت بعض الشغايا الصغار مع وقت الغروب


12
غروب يوم الإربعاء (وياله من غروب يااااالله) متفاعل مع كاس العالم


13
أصبحنا يوم الخميس الموافق 28 / 6 / 1431هـ ببني سعد


14
وكانت الأجواء تفوق الخيال رشوش خفيفة وتقوا شوي وتخف


15
لكن بدأنا نلاحظ ان الضباب بدأ يكتنف المكان (أموت على التعبير اللغوي أنا) عساي جبتها تمام يا مدرسين العربية
وتشوفون إحدى العقبات الترابية تنزل لأسفل الوادي


16
إطلاله بعد بني سعد


17
وصلنا لميسان ونقينا مكان الغداء


18
السحاب يشد والضباب يغطي مساحات أكبر

أبو يوسف الله لا يخلينا منه استلم الكبسة


19
وكذلك يبحث عن الزواي التصويرية


20
ما أروع هذهـ الأجواء الغير رومنسية الربع ؟؟؟


21
نبي طريق للمكان ذاك لكن ما باليد حيلهـ (وين ينجي معه) وأكتفينا بالمشاهدة وتكملة التصوير


22
فاصل تصويري ونعود لكم


23
ضباب غطى ولف الجبال


24
أبو يوسف يلتقط بعض الذكريات والصور لمنتداهم الأسري


25


26
بدأت الرعود تزود بس بالصورهـ ماله صوت


27
والدعوه صارت برد وكلن قام يتدحمل أي (يرادف الخلاقين على بعضها)


28
وطبعاً لإنشغالنا بالغداء لم تسنح لنا الفرصة بلقطة ولو واحدهـ (الجوع كافر)
ولعل أبو يوسف يتحفنا بالصور الناقصه من عدسته
لكن نعوضكم ببيالة الشاهي من هذا المطل والمنحدر


29
علي عليك مكان للخرمه
وكل ما شفت هالصوره قلت بس يبي يتدربى هالحين


30
صورهـ لأحد الأعشاب بالميكرو طبعاً


31
طير شلوى


32
وميكرو آخر


33
قطرات الندى


34
وغروب شمس يوم الخميس بميسان


35


36
وأخر الغروب


37
يوم الجمعه الموافق 29 / 6 / 1431هـ بشعيب السلامه


38
نقينا المكان والشجر لنتوقا عن المطر (كان رش خفيف) بس خفنا إن بدينا بغدانا يقوى وتنثل الدعوهـ قلنا نقطع الأمر من أوله


39
لقطه في دوارة لقمة العيش


40
نتركم مع صور من فوق أحدى الجبال بالشعيب


41


42


43
وراكم وراكم (طبعاً إلتحق بالرحلة أبو عبدالرحمن) والله من القشر والمحارش


44


45


46
كحيلاني


47
كحيلان أبو ساره


48
وأثناء التجول بعدسة الزوم لقينا هالصيادهـ


49



يتبع لحظات ونواصل

[rhaal]

50
لقطة الرحلة (إستراحة مصور) على وزن استراحة محارب


51
لقطة زومية 400


52
أحد الكشاته أو راعين الحلال أو عنده شغل بالشعيب (المهم مر وصورناه)


53
صفرنا له وعطانا هالإبتسامه


54
مشروع تطوير لمصور جديد


55
الله يصلحهم ويخليهم لأهاليهم


56
نهاية يوم الجمعه وأبو عبدالرحمن يجهز المهيله



وبهذهـ اللقطة نودعكم بفنجال قهوة على أمل لقياكم بتقارير آخرى إن شاء الله
وأعذروني على بعض اللقطات صارت العدسة بها نقطة تقل ثالول (لم أنتبه لها إلا بعد تنزيل الصور)

ونستودعكم الله الذي لا تضيع ودائعه

والسلام عليكم ورحمة الله وبركاته


دمتم بحفظ الله ورعايته

[الشيخ]

بيض الله وجهك اخي تقرير جميل وصور خلابه في قمة الروعه
امتعتنا بهذه الصور متعك الله بالصحة والعافية

[الشقردي 12]

لله يعطيك العافية أبو صالح ما عندي ما أضيفه إلا القليل .

هذي بعض الصور لمدخل بني سعد وكانت في الحقيقة ملفة وجميلة


















ولا بد من أخذ صورة للسيارة مع بيت الشعر وقد تلاحظون المطر من الزفلت وتجمع الماء عند الرصيف وقطرات المطر تسقط واحظه على الماء





بعدها كملنا مسيرنا إلى قرية ميسان بني الحارث وأكرمنا الله بالمطر كما تلاحظون .





بعد وصولنا المكان المطلوب في قرية ميسان اخذنا لكم هذه الصورة والتي يتضح فيها الهماليل نزول المطر وكان نزول المطر على الوادي وكان معه روعود قوية ولكنها ليست كثيرة وتوقعنا وصول المطر إلينا ولكن يكن كما توقعنا والحمد لله كان الجو في قمة الروعة والخيال .




هذا حبيبنا أبو صالح ( rhaal ) لا أحد يتروع عادي ما تحته إلا هويه

[وتشرق]

المشاركة الأصلية كتبت بواسطة الشقردي 12

لله يعطيك العافية أبو صالح ما عندي ما أضيفه إلا القليل .

هذيهذا حبيبنا أبو صالح ( rhaal ) لا أحد يتروع عادي ما تحته إلا هويه

أو آلاه عليك يالشقردي

وشلون تخلونه يتهور ...

بس تدري أحسن ما بالصورة اللون الأصفر

ياحبي لكم كلكم من أولكم لآخركم وما فيكم آخر

شقردية ... وناسة فلة حجاج وعلوم رجال

عسى جمعتكم دوم يارب

والله يوسع صدوركم بالعافية

والله كني بجيبي ( الشويب ) وراكم

سلامي للجميع فردا فردا

أخوكم أبو علي - عنيزة

ملحوظة ( صغينونة ) أحس أن مكان الموضوع منتدى الرحلات

[rhaal]

المشاركة الأصلية كتبت بواسطة وتشرق

ملحوظة ( صغينونة ) أحس أن مكان الموضوع منتدى الرحلات

مرحباً ألف أبو علي
تأثرنا بأهل الجنوب لبى قلوبهم
ملحوظك بمحلها
أصلاً الموضوع أنا منزله بالرحلات
لكن تفاجأت إنه بالطقس (وبدون مشاور) تراهـ
أدور الموضوع بالرحلات يا ولد وين راح متأكد إني حاطه بالرحلات الصبح
بس تفاجأت إنه منقول

لكن تخبر يقولون ( الحكومه أبخص )
قصدي الإدارة هم أبوها وسموها

على العموم مشكور على الرد الحلو منك يا خلفهم وبعدهم

دمت بحفظ الله

[ملك القلوب]

ماشاء الله
تقرير من أروع ما يكون
يعطيكم العافيه يا شباب

[غريب ابوشوق]

مشكور اخوي على الموضوع الرائع

سلم على ابو يوسف (حاشي ربع)

1000 شكر على هذا التميز لاتجون خلوكم هناك اذبحنا الحر

تحياتي واشواقي

[خالد الحريبي]

|| بارك الله فيك أخوي ||
فالف شكر
تقرير عااااااااااالي الفخامه

[حبل الوريد]

مشاء الله تبارك الله

إبدآآآآآع لا محدود منك اخي رحال

رحله موفقه يالغالي

والحمد لله على السلامه

سعدت وسررت برؤيتي لهذا التقرير المميز

ما قصرت