| التعليمـــات |
| التقويم |
|
|
|||||||
 |
|
|
أدوات الموضوع | انواع عرض الموضوع |
|
#1
2013-01-05, 11:24 PM
|
|||
|
|||
جبتلكم الجديد فياض رغوة وفياض القصوريات .
يالله مسهم بالخير حي الله الغالين من مشرفين وأعضاء وزوار . حبيت أضع بين أيديكم رحلتي المتواضعة وكانت في الأربعاء20/2/1434هـ من بريدة لفياض رغوة وما حولها وفياض القصوريات وما حولها وفياض الحدقة وكان خط السير بريدة – قبة – رغوة – القصوريات – شعبة نصاب – الحدقة – بريدة .وكانوا أعضاء الرحلة الأمير ابوإبراهيم سليمان – ابوريان أسامة –ابوصالح عبدالله – ابوسلطان ماجد – أبو إياس علي – ابوعاصم عبدالله – ابوعبدالله فوزان – ابوهيثم فوزان – ابوصالح فهد - محدثكم الطرس ممدوح وكان بعض الربع ودهم يرحون معنا لكن الظروف تجبر راعيها.وانتم عارفين الحرص على الرفقة الطيبه واللي ترفع الراس شرواكم ومثل قول الشاعر احــرص عـلـى الطـيـب تــرا خـوتــه شـيــك ولا الــــــــــــردي قــــــربـــــــه يــــســــمـــــا خــــــســـــــآره احرص على اللي لنثنى الوقت يعطيك ولا الـــــــلـــــــذي يــــمـــــيـــــل اعـــــــلـــــــن دمـــــــــــــــاره واحـرص علـى الزيـزوم لاجــاك يدعـيـك واحـرص عـلـى الـلـي هــو سميـنـن وقــاره واحـــــرص مـــــن اقـــــدار الـلـيـالــي تـهـالـيــك لـــــــــن الــــفـــــرح فـــــــــي بــعــضــهـــآ اســـتـــعـــآره واحــرص مــن الـلــي لا تبـآطـيـت يـرثـيـك لـــــــــن الــــعـــــذر وآجــــــــــب وهــــــــــذآ شـــــعـــــآره وآسف على الإطالة واعذروني على التقصير وهذي لحظة خروجنا من بريدة انا وابو إياس  الحمدلله وصلنا قبة ومتجهين للدهناء والربع اكثرهم قدام   المفرق اللي يوصلنا للدهناء  الحمدلله وصلنا وكان علينا هواء خفيف لكن قلنا يستر ربك وجهزنا القهوة تفضلو يالربع الله يحيكم   ترحرك علينا الهواء والسوافي تسفي علينا والحمدلله ماصلحنا العشاء وبعد مشاورة الأمير وبقية الربع قلنا خلونا نشد لفياض البسيتينات علشان نتذراء بالسدر وحنى متجهين شوفو الرمل  انقذنا الأمير بعد الله بأتصاله على خاله بالإستئذان منه بالتوجه لاستراحته بأم عشر لأنها قريبة لنا وجزاه الله كل خير وطرح الله فيها البركة على الحفاوه التاقدير والتارحيب وكذلك الأمير هذه لحظة وصولنا لها والنوم فيها  وهذا ابوريان ومن عاونه جزاهم الله خيراً متواضعين قال ابحكرلكم العشاء تفضلو يالربع جهز العشاء الله محيكم  وفي الصباح بعد التشاور مع الربع اتفقنا لتوجه لفيضة ذبحه جنوب شرق ام عشر وتم الأنطلاق لها وهذي صورة لمركز ام عشر وكان الجو بارد وغيوم ثقيلة  وقبل الفيضة ذبحه مر من قدامنا القطار    وقربنا للفيضة وهذا خور ام عشر  وصلنا الفيضة الحمدلله والله روعه وفيها كشاته الله يجمعهم على الله الطاعة    وقبل الخروج من الفيضة التقينا بنسيب احد أعضاء الرحلة وهو ابوفهد الصلال جزاه الله خير لزم بالقهوه وقلنا عجلين يالله يمدين على بقية الفياض  صدناك يابوريان قبل تصيدنا هههههههههه  تم التوجه لفياض رغوة  لطفاً عدم الرد حتى يكتمل الموضوع
|
|
#2
2013-01-05, 11:25 PM
|
|||
|
|||
|
|
|
#3
2013-01-05, 11:26 PM
|
|||
|
|||
|
والأرض الحمدلله مليانه فياض وخباري  جازتلي الشغية    قلبان شظاط      وهذي من لمسات ابوعبدالله فوزان     وهذي خبراء باديبها الخضار وسطيها ماء الصراحه روعه وهذي احداثيتها   جينا للمصيبة هذا الوضع اللي يضيق الصدر ويقلون ورآه الفياض متربع والقلبان ميصير فيها ماء وأكثر الكشاته يخربون الوضع هذا هو الخراب بعينه وعلمه اللي هو اخذ الماء من الفياض    لطفاً عدم الرد حتى يكتمل الموضوع
|
|
#4
2013-01-05, 11:27 PM
|
|||
|
|||
|
روعه الخبراء          فيها كشاته الله يجمعهم على الله الطاعة   وصلنا للفيضه الحمدلله اللي نبي نتغدابها وننام فيها  لمسات ابوهيثم والله روعة اخذلي صورة وانا عند الضوية  والله يجزاهم خير ابوصالح يزين القهوة والشاهي وابوعاصم الفاكهة والوراقيات وابوهيثم الغداء وبقيت الشباب اللي شب النار واللي فرش الفرشات واللي ينزل الاغراض متعاوننين الله يحفظهم   تفضلو يالربيع اللي يبي فاكه او يبي قهوة طب وتخير الله محيكم     لطفاً عدم الرد حتى يكتمل الموضوع
|
|
#5
2013-01-05, 11:29 PM
|
|||
|
|||
|
لحظة غيوب الشمس منظر رائع مع الربيع  تفضلو يالربع الله يحيكم وش الحركات يابوهيثم خبز ورز ولحم الحمدلله على النعمة والله يديمها ويحفظها من الزوال    عقب العشاء سمرنا  اصبحنا واصبح الملك لله وهذي صورة على الفجرية وكان الجو بارد واتوقع الاسبوع هذا دخول نجم وهذي درجة الحرارة بسيارة ابوصالح   تفضلو تقهوو يالربع  العذر والسموحه يالربع العيال شكلهم ناسين دلة الحليب والله يعطيك العافية ابوعاصم زينه بالكاتم  الليبي قهوه بهيل او بدون هيل كلهن موجوات هذا الأمير دق الهيل وهذا ابوصالح فهد يقهوينا متواضع الله يجزاه خير  وهذا ابوصالح عبدالله بعد يقهوينا متواضع    تفضلو يالربع الحنيني والفريك جاهز الله محيكم   لحظة بزوغ الشمس منظر رائع وصوت الطيور اروع   خلطة الامير مع العسل  هذا ابوسلطان لقى الدنانه في الفيضة الله يازمان  بعد ذلك تم التوجه للخبراء اللي جنب قرية القصوريات     لطفاً عدم الرد حتى يكتمل الموضوع
|
|
#6
2013-01-05, 11:30 PM
|
|||
|
|||
|
|
|
#7
2013-01-05, 11:31 PM
|
|||
|
|||
|
بعد مشاورة الشباب في مابينهم تم الاتفاق على ان يكون الغداء بفياض سالم وهذي لحظة وصولنا لها   خرمان ابواياس يبي شاهي ابوجبل ياسلم عليك تقهوو يالربع الله محيكم       حكرت لهم الغداء للشباب وهذا ابوعاصم يشوي الدجاج الله يعطيه العافية  خلص الغداء الله يحيكم تفضلو    وبعد ذلك ارجو من الله انكم استمتعتم بالموضوع المتواضع واشكركم على المرور الذي زاد موضوعي حلاوة ولاتنسوني والمسلمين الدعاء وكذلك لأخواننا في كل مكان بالنصر والسلام عليكم ورحمة الله وبركاته
|
|
#8
2013-01-06, 09:05 AM
|
||||
|
||||
|
وعليكم السلام ورحمة الله
|
|
#10
2013-01-06, 11:44 AM
|
|||
|
|||
|
اقتباس:
هلا وسهلا بالغالي اخي سليمان بيض الله وجهك على المرور المعطر بالفل والياسمين وماعليك زود اللهم آمين ولاتحرمنا من طلتك الحلوة
|
|
|
|
العرض العادي
