اريد ححححححححححل

[الساجي1]

موتري نيسان باترول شاص عقدني كل ماركب عليه البالون يرج رجه غير طبيعيه تقل بيتفكك

واذا رجعت عليه الكفرات العراض دنلوب اوبرجستون اوميشلان انسى ارجه
مع انها نفس الجنوط 16 مراوح

يرج عند مطب طريق غير مستوي

بدلت المساعد حق التوازن

بدلت روس رودات

وسلامتكم

[ولد سدير]

طيب يمكن المشكلة عندك اصلا موجوده بس ما تبين الا مع البالون

شف ارفع الكفر وهزة اذا اهتز معك فعندك مشكلة في الركب على ما اعتقد

[النايفات]

رح لم ابن نويصر وهم بيعلمونك بالعلة

بحكم خبرتهم في السيارات والترهيمات

[حـاتـم]

السلام عليكم

أخوي الغالي ولايهونون الربع


اخوي الغالي

البوالين عانيت منها كثيرا لكن لا استطيع التخلي عنها


اخوي الغالي

اولا تجربتي معها


اول ماشريتها ماترج وبعد مده قامت ترج

اول شي

سو تكبيس اذرعه ودبل مساعد الدركسون يعني ركب مساعدين فعامود الدركسون

هاذا اذا الركب سليمه طبعا

وحشر الكفرات انتبه تكون الكفرات أقل من 40 هاذا يخليها ترج ويقلل من عمرها

انا كنت اول اخليها على 45 الى 50

وان شاء الله تلقاء الحل الشافي

واتمنى اني افدتك

وشكرا

أخوك / حاتم

[عيسى]

اذا قال حاتم لا تعقبو قوله
خبره ماشاء الله تعالى

[راعي ال 8100]

اخوي الغالي رح لميزان المجد

وخلهم يشيكون عالموتر

واكيد الرجه اللي عندك في له دخل في الدركسون

يانه ذراع دركسون او ذراع شاصي او اذرعه داخلية

[الجارح 2000]

وعليكم السلام ورحمة الله وبركاته

وش نقول لك غير جزاك الله خير

وماقصرتوا على تجاوبكم ومن قولكم استفدنا


الجارح 2000

[الوسمي]

اخوي الساجي

لا تروح للميزان يلهطون فلوسك ويمكن مايضبط السبب يمكن في السياره نفسها انا عندي لاند تسوي رجه بسيطه في المطبات الي عل الزفت
وسبب الرجه هو ان الكفرات خفيفة لوتلاحظ انك تشيل الكفر بجنطه بيد وحده واتوقع انك مركبه بدون لستك

الحل هو انك تركب لستك في الكفر او تدبل اللستك يعني تجيب لستك وتقصه مع الوسط وتركب اللستك الثاني جواه

بعدين تركبه داخل الكفر وانشاء الله تضبط

وشكرا اخوك الوسمي

[عاشق الجبل]

ماقصروا الأخوان


وأنا أضيف على ماقاله الأخ ولد سدير بأن تشيك على الرمان الأمامي

وبعدها ترصيص عند ميزان المجد ( عند السودانيين وليس عند المدير السوري )

[الساجي1]

تسلمون على اردود الطيبه
على فكره الرمان جديد والاذرعه جدد والجنوط سليمه