(((( اتسلى واسج الفكر ))))

[الذعذاع]

بسم الله الرحمن الرحيم
السلام عليكم ورحمة الله وبركاته

بقلمي وارجو ان تناااال استحساااانكم أحبتي
وساااامحووووني على الغيبه وراااح اعوضكم قريب بإذن الله



اتسلى واسج الفكر وامسي وحيد
واتناسى عذاب البعد بعد اللقا

وانحرق شوق لأجل اواجهك من جديد
في بساتين حسنك للبشر مابقى

انت قصة غرامي يالغزال الفريد
وانت راحاتي وسلواي بعد الشقا

وانت حب قديم ساري بالوريد
هلت مزون غيثه لين سال وسقا

كيف ابنساك وانا طامع بالمزيد
كيف ابنسى غلاك اللي لضلعي رقا

لاتزيد المواجع جعل عمرك مديد
دام قلبي يفيض من الغلا والنقا

وهرجت العاذل اللي طول عمره نكيد
مالنا شي منها لو علينا هقا

خل دنياك يالمزيون ساعات عيد
خل بينك وبين العذل سور وتقا

والله اني من الفرحه كتبت القصيد
دام قلبي وقلبك يالغضي وثّقا

وسلامتكم
الذعذاع