هلا والله بالعنزي الله يسلمك اخوي
الشخص بالفعل قديم فالارصاد وفاهم وع فكرة فتحت له منتدى البراري وترجمت له مضمون المنتدى..
والتشجير والله اتمنى ان يكون هناك عمل حقيقي وملموس ع ارض الواقع..
اما السياحة بالجنوب ي صاحبي اسمح لي اخالفك كثير واحنا بعيدين كل البعد عن السياحة ع مستوى الطبيعة وع المستوى الفكري أيضا..
الطايف والباحة وابها عزيزين ع القلب وأنعم وأكرم بأهلها أهل الكرم والطيب..
اما اجواءها فرق كبير بينها وبين أوروبا الغربية والشرقية بصفة عامة..
بعيد عن الطبيعة احنا يبغالنا سنوات طويلة عشان يتغير فكر القائمين ع السياحة زايد التجار..
اما اغلب تجارنا لسا معشعش بروسهم الشيوالات والقلابات وحراج السيارات..😬
فنادق لا تعليق من حيث النظافة والجودة ومع هذا غالية ومطلة ع بسطة خضار..
اوك ارفع إجارات الفندق بس اعطيني فندق نظيف يرتقي بمستوى السياحة مع طبيعة بمعناها الحقيقي..
الطبيعة انا شفت مناطق بالجنوب بالتويتر ولكن كلها مناطق صغيرة جدا ولا نستطيع أن نطلق عليها طبيعة فهي أقرب للربيع بمعناه الصحراوي ومع هذا هي مملوكة لناس..
ناهيك أن أمطار الجنوب تكون بفترة الظهيرة ووقتها قصير.. وكمان اغلب مطرها سريع هذا اذا جات أمطار..
عكس أوروبا الأجواء من شروق الشمس حتى الليل كلها سحب وضباب ناهيك أنها تمطر من فترة لفترة..
اجواء أوروبا يكفيك انها رطبة ف الشتاء والصيف مع غابات شاهقة وبساط أخضر زايد انهار وشلالات وفكر سياحي راااقي جدا..
همسة
تبغى تعرف متى تكون المنطقة جميلة جمال حقيقي..
لا تنظر لها وقت نزول المطر لأن وقت هطول المطر ينبع البحر تحس انك فجزر المالديف..😅😬
انظر للمنطقة فالوقت اللي م يكون فيها مطر وسحب راح تشوف وجهها الحقيقي..
الجنوب السعودي حقنا مثله مثل العجوز اللي تعمل مكياج تطلع أنيقة نوعا ما بس ساعة ويطلع وجهها الحقيقي القبيح وهذا الشي ينطبق ع ينبع..
اشوف التضليل ف التويتر لجنوب السعودية لكن الشخص الفاهم يعرف انه بيع كلام نعم تمشي ع اللي م طلع سياحة خارجية اما اللي طلع م تمشي عليه..😎
ي صاحبي اوروبا نتعب إذا كنا بنوصف طبيعتها وتراني اغلب أوروبا الغربية زرتها واعرف طبيعتها مزبوط..
ي راجل شرق آسيا اللي بدت نهضتهم قريب الا انهم متطورين كثيييير في مفهوم السياحة..
م علينا
شوف المقطع تصويري لسويسرا وماليزيا وبالذات سويسرا وهي مشمسة الا انها جميلة ناهيك إذا جات السحب والمطر تكون جنة الله في أرضه..
هذا التصوير الحقيقي البعيد عن التضليل وراح تعرف الفرق بيننا وبين أوروبا..
التغريدة فيها اغنية إذا م تحب الاغاني مو لازم تفتح المقطع..😅
https://twitter.com/MA_H444/status/1...111214082?s=19
وم توقعت اجلس لهذا الوقت البارح َ اللي جيت من كوالا ورحلة اكلنها 13 ساعة معلقين فوق وعطل غيّر مسار الطائرة من جدة إلى سنغافورة وجلسنا فسنغافورة قرابة ال3 ساعات..
والحمدلله ربنا سلم والان بجد م شوف من النوم والتعب وتتمسوو ع خير✋✋