رسالة لمنهو بدا الشعر يكتب
رسالة لمنهو بدا الشعر يكتب *** اليا بغيـت الشـعر ياتيك طوعي
الزم ثلاث وخل بيتك مرتب *** الوزن و المعنى وقاف سجوعي
وتخير لقولك بوقت مناسب *** و اختار وقـت فيه كل هجوعي
واليا اجتمع عندك معاني فهذب *** وخل الفراش وخل زين الطبوعي
وخذ القلم واكتب من الشعر و اسهب *** تلقى المعاني كلها لك خضوعي
وغنه بلحن وارفع الصوت واطرب *** و ارسل لنا ابيات شعرك تبوعي
وان كان ماجالك مع الشعر مذهب *** .خله ترى مافيه سد لجو عي
خله ترى مافيه زود و مكسب *** لاشك في بعـضه بتلـقى نفوعي
ابيات شعر صاغها لك مجرب *** هـدية مالي وراهـا طـموعي
الركام