عرض مشاركة واحدة
  #6466  
قديم 2018-12-09, 07:11 AM
الصورة الرمزية بقآيآ .. حرف
بقآيآ .. حرف بقآيآ .. حرف غير متواجد حالياً
مراقب واحة البراري الشعرية
 
تاريخ التسجيل: Oct 2009
الدولة: القصيـــــــــــــــــــــــم
المشاركات: 12,245
جنس العضو: ذكر
بقآيآ .. حرف is on a distinguished road
افتراضي

مريت بعجاف السنين..وفي قحط شهب الشهور
والدرب موحش..كم..وكم ذيبٍ على اطرافه قنب!
يامترفه .. مافِرشت الدنيا لي زلول .. وزهور
شبعت بالرحلة ..تعب.. وارهاق.. قبل أشبع طرب!
وصلت رغم انف المسافه .. لا ورغم انف الغيور
خويي الصبر الجميل .. ومشلح سلوم العرب!!
قولي لهم يامترفه .. يقرون (ما بين السطور)
عن شاعرٍ تنضب بحور الارض ..شعره مانضب!
وقولي لهم حمّل مساحات البواخر ..فـ البخور
وش ذنبه ليا شفتها ياقاصر النظره ..خشب!!
وقولي لهم مايستحون ؟؟.. من الجراءه .. والفجور
يوم استباحوا حرمة الابداع في بعض الخطب؟؟!!
وقولي لهم من حين..الى حين..ان حصل عنده فتور:
نتيجة فراق اكثر اصحاب المواهب ..والأدب
وقولي لهم لا اعشوشب الحب الحقيقي ..بالصدور
راعيه صمته صار من فضه .. وهرجه من ذهب!
وقولي لهم من حقه ليا عاش بالدنيا.. فخور
مادامني ملهمته اللي لا تذكرها.. كتب
تمرك انفاس الصباح ..العذب .. وتجيبك ..عطور
واقلّطك على مباهيرالحفاوة ..والشبب!
معشوقتي والليل ينسج من خيوط النور ..نور
أوشك على التوديع والأشواق كتله من لهب !
وانا تلاشى من عيوني كل شي اسمه حضور!!
الا الصباحات الجميلة.. بالنهار المرتقب
يأخذني الشوق العنيف الى اقرب دروب العبور
وأقصر دروب الشوق وأقربها .. اكثر دروبي تعب
مثل ماتشتاق لتباشير اول الصبح ..الطيور
اشتاق لك ..وأشتاق ..حتى منك لأنواع العتب
واحتاج لك مثل مايحتاج الدعا.. اصحاب القبور
وانتي قريبه من شعور القلب ..وادرى بالسبب!
اليا تذكرتك اعيش احيان شي من الغرور
واشوفني أكبر حظيظ من البشر ..وأطلق شنب
ومابين تصديق الشعور ..وبين تكذيب الشعور
احيان في حالة رضى ..واحيان في حالة غضب!
بالاول احسبني على غيابك ليا غبتي ..صبور
واثرني اللي لا اذبحه جوعه على شوفك..قنب!!

لافي الغيداني

التوقيع:

bqaia_harf@
رد مع اقتباس