بسم الله الرحمن الرحيم
رسمت أنا لوحة غلاها بصدري
ألوانها حبي وشوقي كساها
هي لذة أيامي حياتي وعطري
قلبي لها موطن عساني فداها
قربت أنا دلة غلاها لجمري
في ليلة ٍقمرا يزين سماها
دنيت أنا فنجال حبي وتمري
صبيت من دلة غلاها حلاها
ركيت أنا كوعي أفكر بعمري
في حسنها سبحان منهو عطاها
كن المحاني وكر والشوق صقري
أهده ابحال اشتياقي نصاها
أنتجت لك مشهد مميز وحصري
قصة مودتنا بطلها غلاها
ياروعة إحساسه تغناه شعري
كله على شانك يلامس رضاها
يازين لقياها على جال نهري
نجلس وتاخذني سوالف معاها
حبي لها في داخل القلب عذري
حاير وتايه ياهلي في هواها
شبه الوله قرطاس والودّ حبري
أكتب لها جزل المعاني حواها
ناحت لك أشواقي مثل نوح قمري
في موطنك روحي تلاقي دواها
لبيه يا جوّ المحبين يغري
صرت المتيم ما تعدا حماها
مخرج
رسمت احروفك الاربع بصدري والضلوع إضلال*
قلم إحساسي الدافي وحبي علبة ألواني
لاجاني لوعة أشواقك أصوت لك على الأطلال*
وأقول الله على حبك رعيته داخل أحضاني
أنا في مسرح أحلامك ألبي حلمكم بالحال
فداك الوقت ياعمري فداك القاصي والداني
مدامك يالغلا جنبي يزول الهم والغربال
يشاركني بلقياكم تحياتي وتحناني
فرشت ابساطي في أرضك وزهرك بالهوا ميال
نسايم زهرك الحلوه تعطر داخل أوطاني