يا حظي العاثر ويا حزني اللي مـا يـروح
ويا حلمي اللي ضاع بيـن عـل وعسـى
كل ما قلـت هانـت زادت بـي الجـروح
وكـل مـا قـام الحـظ تعثـر بالخطـى
وش بقـى للـروح شـئ يبهـج الـروح
اذا استكثرت علـي دنيتـي لحظـة هنـاء
طلبت انا دنيتي واعطتني يدهـا الشحـوح
مدت لـي كفهـا العاثـر شحيـح العطـاء
ما خذت انا مـن دنيتـي غيـر الجـروح
ومـا عطتنـي دنيتـي غـيـر الشـقـاء
ياحظي كم مات في داخلـي مـن طمـوح
ويا حظي كم مـرة علـي زمانـي قسـى
من رداة الحظ حالي على الوجهين مذبـوح
تعاهدني زماني بالحزن وافـي مـا نسـى
ما بقى لي غير حظ عاثر وجروح(ن) تنوح
وطيـف حلـم قبـل مـا يبتـدي انتهـى