[غانم الضومري]

هوجاسه رقم 10
معليش المركاز يحتاج إلى جهاز إتصال سريع ..
ولكن الليله ماعندي شغل ومريت على المسابقه التي تم نقلها هنا .. ولو انها أتت إلى هنا لكان أفضل .. للفحص كما قال اخي هماليل .. ولكن قدر الله ما شاء فعل .. الحمدلله جات عندي هنا .. يمكن إن الفكره كانت مسبقه ولكن توقيتها لم يكن كما ينبغي . التوقيت ياجماعة خير .. مهم جدا في كل أمور الحياة العامة وكذلك الخاصه ..
طيب ياابوسامي ـ أنت وش مشلك بهالعالم الافتراضي . ربما أنك إفتراضي وليس واقعي ، اف اف هذا تخص خالد اللهبي ـ على فكرة ابو وليد .. هو الوحيد الذي أعرفه وأقابله أكثر من .... ياحبني لا بو وليد مربي أجيال فاضل مصلح اجتماعي من الطراز النادر ، شاعر ماني مادحه حتى ما يشوف نفسه علي بالمنتدى اليومي ـ (المنتدى أسسته قبل 25 سنه : عالم ثاني) لا يمر يوما ما أرى ابو وليد وهو يحرق دمه على طلابه أقصد أبناؤه .. هو من واكب هذا الجيل الجديد بهمومه ومشاكله ـ هو والدهم .. هو من يعرف خفايا كل طالب .. ما أجمل أن يعمل الشخص بتخصصه الذي أحبه وعمل من أجل الوصول إليه .. والتمتع بهمومه ومشاكله ـ من أجل أن يخدم هذا المجتمع الكريم .. تطول الهواجيس عن خالد ، وبالمناسبه أرسلت إلى شعراء كثر ـ وأنا اعرف أن بعضهم يتابعون بتأني .. إن شاء الله إن ملتقانا يبيض الوجه .. واشكر ابو وليد على دعوته للشاعر / محمد عايض ـ أتمنى له التوفيق ومكانه القلب ونحتاج منه الكثير .
نحن في بدايه الطريق ولن يكون شاقا بإذن الله .. نرجع لموضوع المسابقه ..هاه..مدري .. بس لايكون الضعيف حايس ومسويه له إزعاج كيف نطلعه من الورطه .. والله عيب علينا وحنا شعراء في باني هذا الصرح الشامخ .. هل يستحق التكريم منا .. لايمكن الفصل بين كلمتي : عبدالهادي البراري لا يمكن الفصل بينهما .. عبدالبراري لا لا استغفر الله لا يمسكونها عليك مثل ذيك المره لالا أشوى إنها هواجيس ..إنتبه يا بو سامي .. تراك بآخر مشوارك النتي ولست بأوله لا يمكن التصحيح ـ التصحيح يعني الكسر ، ،
طيب لو سوينا نحن الشعراء طالما إن الجانب المادي موجود صح يابو مالك .. لا تورطنا .أنت يابو مالك عملت كلمة مسابقه يعني للجميع وصعبه إن حبيبنا صاحب الكرم يستحق وظروفه مايقدر يجينا لأن محبيه كثر لا يمكن تغطيتهم وتكلف عليه ، واخوياه أكيد يفرحون إذا كتبنا فيه ما يستحق (تعجز الحروف عن إعطائه .. لأنها لا تعد ولا تحصى)
ولكن والله إن كل من يعمل معه يستحق المدح والثناء .. طيب يابو مالك .. لماذا لا تجرب المسابقة هنا علينا ياخوياك اهل المركاز والجائزه نشتري فيها : اشتراكات نت أو أجهزة اتصال بروباند ..
يعني حنا اخوياك وانت تقدر ياطويل العمر وبمناسبة الاشراف مافيها شي
لو حاولنا إنا نتعاون بشراء ذبيحه ونطبخها عندي ، ونعزمه عزومه خاصه ، على شان ما نحرج الرجال ـ ترى كلمة جندي مجهول عنده أفضل من قصييييده ـ يكتب الرد عليها وهو محمر الوجه من الخجل ،
لأنه يقدر مجموعته ويرى نفسه أنه أقلهم عطاء ، يكفيه فخر كلمة البراري .. ولكن المشكله خوينا ابو مالك .. هاه يابو مالك .. وش رايك ورايكم على طرق يعجبكم بإذن الله . نتعلم فيه الشعر عسى أن نظهر بجوهره تليق بمكانة البرا عبدالهادي ..
إن أعجبكم الطرق والطريقه ـ فأرجو أن نتبادل الأراء في نفس المشاركه : مسابقة باني هذا الصرح .. التي هي باسم صاحب الفكره عبدالمحسن العمر
يالله بسم الله نحول الموجة إلى شعر شعراء البراري التي عشنا فيها على الجمل والتمر واللبن والعسل و من هذه البراري تعلمنا كل شي ، كل وادٍ وكل جبلٍ وكل مطر يذكرنا بالبراري عبدالهادي ومجموعته أي كلمة عبدالهادي لا داعي لذكرها ذكرٍ مباشر يكفي التلميح لكي لا نحرجه ومن معه .. نحاول أن نقترب ثم نسدد .. يابو سامي كم مره قلت نبدا ولا بديت ماشاء الله عليك اذا مسكت الكيبورد نسيت نفسك قل المحاوله وريحنا .. طيب بسمالله
سبق أول للمركاز .. بارضه

يوم رايد دعاني قلت اجرب نصيبي
تهت وسط البراري بين ضلع وشعيبي
حال عساس غادي شاف بالدرب ذيبي

ما استعدت اللياقه وانقطع بي زهابي

صوت نجرٍ يلالي ونار باعلى الجبالي
راح خوفي وضيقي يوم شفت الرجالي
جيت بيتٍ مسودسٍ وساطرين الدلالي

عند شيخ البراري نوخن بي ركابي

والنعم في جنابه شيخ مافيه زيه
ثاقب الراي رايق ما يضايق خويه
كنه أصغر إخوانه ما يحب الأذيه

خبرته ضعف عمره شيخ لكن شبابي

فكر راقي مميز يستحق الإشاده
روح حلوه خفيفه يشعرك بالسعاده
كل صعب يحله يستحق الرياده

دايم الدوم حاضر ما يعرف الغيابي

عزوته هم فريقه يعتزي بالبراري
قدم أغلى هديه جوهره بالصحاري
مثل حرٍ تعلى جاب خرش الحباري

حقه أسمن حروف المدح ماهو كبابي

تسعة احروف اسمه ما بها حرف زادي
عبد يخدم بلاده شيخ ما كان عادي
ما اقدر أقول إسمه ساكن الطبع هادي

ما شعرت أي غربه طول فترة ذهابي

وقتي اللي قضيته قبلهم كان ضايع
كل يومٍ قضيته بينهم كان رائـــــع
ما سمعت أي كلمه ماتسر المسامع

طيب طيب دقيقه اقفل الجهاز اغرفو كولوا استانسوا الليله ليلة الجمعة التي بعدهاااا السبت السبت .. إنتهت الإجازة .. صلاة جمعه بإذن الله واستقبال السبت بكل همّه ..
تحدث كي أراك فالمكان موحش والمركاز لم يكتمل إلا بكم أحبتي .
لي عوده بإذن الله ..