اهل الغرام الضحك وينه والسعـاده ويـن
********************************************
ياهل الغرام الضحك وينه والسعـاده ويـن
عسى الله يقطـع الفرقـاء وساعتهـا وطريهـا
احس بوسط قلبي جرح يشبه طعنـت السكيـن
واحس بوسط كبدي جمرتـن تحـرق ثنايهـا
واحس بداخلي ضيقه غريبه ماكملت يوميـن
واحس ان الزمن كشر بنابـه يـوم فرقاهـا
وانا لوني شكيت الي بقلبـي للجبـال تليـن
وانا لـوني شكيتـه للسحايـب نثـرت ماهـا
ترى ماهمني حمل المحبـه لـو غـدى حمليـن
ونـا قـد الحمـول الجايـرات وقـد بلـوهـا
ولو راحت ضلوعي من سبب حمل الغرام طحين
انا مثـل الجبـال الراسيـه ماهتـز مرساهـا
صبور ولو يبور الوقت فينـي والزمـان يشيـن
حرام اني لاصون اسرار قلبي داخـل اخفاهـا
علي النذر برقبتي ومنـي حلـف معـه يميـن
لموت ولادرو مـن ويـن ديرتهـا ومنشاهـا
ابكتم سرها في وسط قلبـي ولويطـول البيـن
وبحفظها عن العـدوان والصدقـان واحماهـا
غلاها بالظمير وقدرها الغالي بوسط العيـن
وانا لولا غلاهـا ماجفيـت الخلـق لرضاهـا
تحملت جروح ولوعة الفرقـاء وبعـد الزيـن
احـن لشوفهـا واحـزن لطاريهـا وذكراهـا
عليه الاوم من شرقـي وطنـا للحـدود الصيـن
عسـى الله مايواخذهـا بغلطتـهـا ويجـزاهـا
ابا اصبر وتجمـل واتحمـل في القسـى والليـن
واقول الله يوفقهـا عـدد ماسـارت اخطاهـا
انا ليه اتبع المقفين واشحـذ رحمـة المقفيـن
وانا من روس قومـن تستـر الخلـه وترفاهـا
رجالن يخدمون ويحتمون وينصـرون الديـن
على درب الهدى والخيـر والفزعـات ممشاهـا
هم الي يطعمون ويرحمـون العاجـز المسكيـن
لهم سيره قديمه من جهـل بالعـرف يقراهـا
وعلى سود اليالـي والمحبـه والفـراق الشيـن
دعيت الله يعين ويكشـف الضيقـه ويجلاهـا
يعين الصابرين الـي على درب الشقـاء ماشيـن
ثلاث اسنين وهمـوم الزمـان مـازان ممشاها
منقول
الشاعـــر
فيصــل بن خلف بن هــذال الحافـــي