خرجت كما هي من الكيبورد لتصافح قلوبكم الطاهره .......
البارحه يوم طيفك مرّ قدامــي
أتعبني الحزن في نبّرة مزاميره
هزّيت جذع الكلام وحرّك أقلامي
الشوق يوم ان هبوبه جتني مغيره
والله لو منت غيمه بلّت إلهامــي
كان أجّدب الشعر ماتثمر تعابيره
أغليك من هامتي لين أسفل اقدامي
يلي عليك أشتعل واطفي من الغيره
أشربك لين أرتوي واحسني ضامي
لو أشـبعك كن جوعـي زاد تأثيره
حـبـك بقلبي كآنه بـصمة إبهامــي
يعني مع الوقت يصعب حيل تغييره
لانك من أحلام عمري صفوة أحلامي
ولانك من الناس شخص ٍ ما أبي غيره
يابلسم الجرح والا جرحي الدامــي
القلب بيت ِ جفوه أغلى مساييره
محتاج أحسك معي لو ضاقت أيامي
مثل إحتياج الغريب اللي ترك ديره
من كثر ما كنت أصدق كذبة أوهامي
كنت أحسب إن كل تآخيره تجي خيره
يـامتلف الحـال زادت منّـك آلامــي
عذرك غيابك .. ! ولكن ايش تبريره
كآنك على البعد مستعجل فإعدامي
ميّت لي أعوام من وقتي وتقصيره