[rhaal]

السلام عليكم ورحمة الله وبركاته

علومكم وأخباركم إخواني الأعضاء كلن بإسمه والزوار
مرحبا بكم بهالموضوع اللي ودي منذ مبطي أحوله بالمنتدى=====>>> بس ليش أبطيت بقولكم
أولا : ما أدري
ثانيا : لأن مخمينا مع العائلة الكريمة حقتنا ==>> يعني الرسمي لو درى تسان ألقاهـ فوق النفود يترصد ويحوم حولنا
ثالثا : الإتصالات المبجلة لدينا تساعدنا على الإبداع بسرعة التنزيل والتحميل ــــ يعني يرفعون ضغطك ما حملت
والأسباب واجد فيه رابع وخامس وعاشر بس السبب العشرين :
إن بعد العيد زحمة مواضيع بالمنتدى وكلن مبدع أحسن مني وأخاف أضيع بالطوشهـ ولا أحد يلقي لموضوعي بال
تخيل موضوعي بين مواضيع مثلا دندشهـ أو المهند أو جريح الصيد أو ممسح الريضان والله واجدين المبدعين بس هذولا الطارفين بذهني كان لأضف عفشي وأبيع الجهاز أو بأقرب جدار ألخهـ
أدري تقولون أنهج بالموضوع وعطنا الصور
بداية المخيم كان قبل العيد بالضبط تاريخ 6/12/1429هـ ولم يخلو إلا يوم العيد فقط أو للي مشو لمكة الله يتقبل منهم وكان حتى 15/12/1429هـ
أولا : التجمع حول المكان المقرر

وكان الحرص أن يكون إقامة المخيم وعمليات نصب الخيام
هم الشباب قطع خمس طعش ==>>> تدريس من الحين على الكشتات وبداية تمسيك القيادة لهم
والحق يقال أبدعو أحسن من الكبار

ومثل ما قلت ما كان معهم إلا ثلاثة كبار وخبرة بران
يعني صار أغلبهم هذا الشبل من ذاك الأسد
أستانسو يا الصوالح (جمع صالح) لأن أكثر الاسماء صالح عندنا وأحمد وسلمان وفواز وبالباقين واجد
شوفو الأخير اللي يمشي بلحاله قام يصيح وش السبب

وبعد القهاوي والشاي المخدر وبدى الجو يدفى شوي بدت عملية ؟؟؟؟

شوفو دحوم متحمس يسحب الحبل قصدي مربطينه لا يطيرهـ الهواء

وهذا شيخ العربان يشرف على العمل ويدبر (ماجد وه بس)

إلى الحين دحوم متجود بالحبل الله يمحى بليسهـ بس لآزم نخليه يخش بالجو ونرفع المعنويات

أربعهـ شلو الجمل والجمل ما شلهم

الأولهـ وخلصت اللي بعدوهــ (داخلين مضاربهـ)
وتريحة من القايد الأعلى للمخيم أبو صالح(محمد)

أما راعي الجيب سلمولي عليهـ أحاول أجي ربعهـ يحمسك تخاويه لو عندك مية شغل

أبو علي(نواف) يا عمري قبل الإصابة وطيحته بالنار

كلهم أبو محمد واحد صالح والثاني طارق وعملية خياطة رآس الخيمة بالرواق (بعد العملية) بس أهم شي ما فيه أخطاء طبية

وهذولا شغلتهم تثبيت الأطناب صالح وسلطان

وأهل جدهـ (ابراهيم) ما يدري وين الله حاطهـ ...بس يضبط لك الشاهي والقهوهـ يا لبي قلبك أبو خليل
هيا اشبك شغل ايديك "كذا تقولونها"تراي ما أعرف أقلد

أحمد والتشييك وللمعلومية هو الجندي المجهول بالمخيم بس ياليت ما تمسك معه حليبه بنص الليل والعالم نايمه

للموضوع بقيهـ

الرجاء عدم الرد

يتبع يتبع يتبع يتبع