السلام عليكم ورحمة الله وبركاته
يا حلوم الليل خفّـي على القلب الحزين
تستفزينه على الواقع ولاهو خلي
توقدين الشوق تحته بجمرات الحنين
في طيوفك وان صحى كل شيٍ ينجلي
حلقت بي غفوتي في بلاد الحالمين
وشفتني بالحلم فوق السحاب المعتلي
شفت غاية شفي ومطلبي بين اليدين
حاجةٍ كبدي على شوفها تغلي غلي
وما صحيت الا على لوعةٍ فوق الجبين
من ظروف ايامنا والزمان الاولي
ما حدٍ من جور الايام في حصنٍ حصين
كم حصاةٍ حطها السيل من حيدٍ علي
#رامز