[أبو سيرين]

أخوي سحاب شقراء
صح لسانك أبيات جميلة

وبالنسبة للقصيدة فاتضح أن بها أخطاء وقمت بتعديلها علها تروق لك أكثر وهي كما يلي :

يا حظ من عنده عجوز(ن) وشايب
وإلا حدى الاثنين يا سعد عينه

وجودهم يجلى النكد والصعايب
يا حظ من يدرك حدى والدينه

ابو(ن) كبير له علوم(ن) طرايب
كل المراجل حازها في يمينه

وأمه إذا جاها تهون الصعايب
تسعــد ببره ثم تقبل جبينه

ترفع يديها للولي بالطلايب
ترجي ولي العرش يسعد سنينه

أقدامها تخفي جنان(ن) رطايب
أبوك عزه في توالي سنينه

بيت(ن) بدون كبار مثل الخرايب
واللي فقـدهم قولوا الله يعينه

نـور البيوت ويجمعون الحبايب
وكل السلـــــوم الطيبة جامعينه

فيهم لقسوات الليــــالي غلايب
امروضيـــن الوقت ومطوعينه

اخضع لهم وإنذلّ حثّ الرغايب
في جنة(ن) يــــا علنا ساكنينه

وازرع بتجنيها وكله عقايب
كل(ن) يبـي ياخذ على قد دينه