,, ,,,,,, ورقة من مذكرات رامز ,,,,,,,,,
بسمك اللهم منزل سبا والزلزله
والضحى والغاشية والمعارج والقلم
رحمتك يوم انفطار السما والزلزله
والصحف من بعدها جفت ورِفْع القلم
فيه منهو في يمينه كتابه حصله
وفيه منهو في شماله كتابه مستلم
يالله انك ترحم الحال واتعز الصله
بيننا يالله على شرعك اللي ماظلم
بين قلبي والحنايا رزيم وجلجله
يضربه سوط الضمير ويصيح من الالم
عبدك المغتر في عفوك ومستسهله
وصار بالتقصير بين الكباير و اللمم
وجه اكفوف الدعا لك لعلك تقبله
ويشمله غفرانك ورحمتك ياذا الكرم
يالله انك ماترد الرجا والمسأله
وتغفر ذنوبه بعد ما اقترب منك ولزم
كل ذنب ٍ ينطق وكل ذنبٍ يفعله
وتركز الـ تقواك في قلبه النادم علم
مسلم ولكنها النفس نوب اتلتله
والخطا يا ماحدن من حبايلها سلم
جل شانك شان كل العباد تجلله
انت خير الخالقين المعلم بالقلم
رامز : 1430هـ