[غانم الضومري]

من قصائد أخي بالله الشاعر / سعود الشايع

أحلى من السكر على فكة الريق
.
.

أنا احمد اللي حقق الحلم تحقيق
غصب(ن) على من خان عهد الصداقه

رب(ن) علا من فوق كل المخاليق
هو ملتجاي من الزمن واصطفاقه

ومن بعد ذكرالله بدعت الطواريق
قاف(ن) جزل فيه المعاني دقاقه

أحلى من السكر على فكة الريق
لامن درج من فوق كبد(ن) رقاقه
الحر مايخشى صفير الغرانيق
وِسْمَقَّهَا ما ينفعه صوت غاقه

أنا لربعي شمعة(ن) ساعة الضيق
ما تنطفي لا صار نوره شفاقه
ما بدّل الدلّه بكاسات وبريق
أبداً ولا بدّل جِمَلْهَا بناقه

ماني من اللي عادته دوم تدنيق
لامن لقاه اللي على حد فاقه

الطيب عنوانه من البن تحْريق
والعود الازرق ينعرف باحتراقه

برّقت أنا في تالي الوقت تبريق
وشفت العجب من فعل بعض الرفاقه

بعض العرب في منطقه قل توفيق
دايم كلامه فيه ريحة طفاقه

عقله يساوي بالذكا عقل بطريق
أو يمكن البطريق أكثر حذاقه

لوهو مريض(ن) قلت ساعات ويفيق
المشكلة مابه دوى للحماقه

لو تشرح الموقف بجمله وتعليق
مع الغبا عقله وثيق العلاقه

شروى الذي ينساق بالدرب لا سيق
ما يَفْرِقَ التيس العطر من عَنَاَقه

لو كان حبه لا جي(ن) بالمعاليق
ينعاف ما قد فات هو والصداقه .

......

أتمنى أن أكون قدمت لأخي سعود ولو جزء بسيط مما أكنه له .. أسأل الله له الرحمة إن كان حيا أوميتا .!!

تحيتي