|
قصيدة رشيد الزلامي
الله مـن قلـب بـه النـار تشتـب هبت وضبـت واستمـرت شبوبـه قلـب غـدى للهم مـارد و مشـرب وما ضاع من هم العرب راح صوبـه هم على ربعـه وهـم علـى شـب باليـوم والساعـه همومـه تلـوبـه والله من عين تصـب العبـر صـب صب القليب اللـي تدالـح غروبـه ياعبيد انا مانيب ضـب ولـد ضـب يصبر لمـا يسمـع وينفـخ ذروبـه انـا عتيـبـي عـريـب مـعـرب لي ماقف كل الجميـع اشهـدوا بـه من سب داري قلت له تشب ثـم تشـب وارخصت روحي دون داري جلوبـه لـو اتعـبـن سبابـهـا واتـعـذب صبرت من شـان الوطـن للعقوبـه والسجن ماهو عيـب شـي مجـرب لعلـم المسجـون مـاهـي ذنـوبـه يلومنـي خبـل الا مــا تـغـرب ينسى الوطن خسروا هله يوم جوبـه فوده مع الضفـران صفـر مكعـب غطيـس قلـب لـذة النـوم دوبـه وانـا علـى كـل الجنـوب اتقلـب ما ذقت حلو النـوم يـوم اهتنوابـه واقنب قنيب الذيب في راس مرقـب من حر مابـه قـام ينهـش جنوبـه يحييني الغربي عصيـر الـى هـب ريح الديـار الطاهـره فـي هبوبـه ريحة هواها مكسبـي يـوم نكسـب اخير من ريـح البحـر والرطوبـه عسى السحاب اللي من العصر ينصب دلـت هماليلـه وهبـت نصـوبـه يسقي وطن راعي العقـال المقصـب نجد العزيزه وغرب نجـد وجنوبـه ياديرتـي مانقبـل الشتـم والسـب يامنبـع الاســلام دار العـروبـه يفـوز مذهبهـا علـى كـل مذهـب وعلـى مقلبـت المذاهـب عقوبـه يحكم بشـرع الله والسيـف الارقـب ولا شق فيها طالب الحق ثوبه وقال الزلامي هذه الابيات وهو في الكويت وفي احد الايام كان الزلامي يتصفح احدى المجلات وعنده بعض زملائه العسكريين فرأى صورة الملك فهد ((رحمه الله))في احدى الصفحات فأخذ يتمعن فيها ثم قبلها فقال احد زملائه ارني ماذا قبلت !! فقال قبلت : صورة الملك فهد اطال الله في عمره ,,, فغضب الزميل الكويتي منه فخرج غاضباً من عنده ثم ارسل الى الزلامي هذه الابيات] حنا بدار مدلهة صدر من ضـاق بلـغ سلامـي للزلامـي وقـلـه ياعابد الصوره على بيض الاوراق دارك عرفناهـا وعلتـك عـلـه إن كان حبه محرق قلبك إحـراق شد الرحـال ودرب عمـك تدلـه فرد الزلامي عليه قائلاً : انتم بدار مدلهة صدر مـن ضـاق وانا اتخيل صورتـه مخلـص لـه ماتعرفونـه ياردييـن الاعـمـاق هذا الفهد ذخر الفهـد فـي محلـه اللي ليا شطـت ويبسـن الاريـاق انته وانـا ومعزبـك تحـت ظلـه والله احبه حب مخلـص ومشتـاق واحب حتى صورته فـي المجلـه واهل الحسد ماهم على باب الارزاق رزقي على اللي كون الكـون كلـه حنـا سعودييـن ياطـاق طربـاق احـرار ماعشنـا بعيشـة مـذلـه رجالنا لو هو على مكسـر السـاق حب الكرامة والوفا عادة لـه وبعدها رجع الزلامي الى دياره في السعوديه وقد ترك الوضيفه في الكويت وهو رافع الرأس مضحياً بكل شيء من اجل حبه للوطن وعند مروره بالجمارك الكويتيه ذاهباً الى السعويه قال هذه الابيات هـذي هويتكـم وهـذي بدالـي وجميع مافي عهدتـي تاجدونـه والجيش يلقى عسكـري بدالـي ورزقي على اللي ماتغمض عيونه |
والله من عين تصـب العبـر صـب صب القليب اللـي تدالـح غروبـه يعطيك العافيه اخوي |
اقتباس:
|
واهل الحسد ماهم على باب الارزاق
رزقي على اللي كون الكـون كلـه ******************************** عسى السحاب اللي من العصر ينصب دلـت هماليلـه وهبـت نصـوبـه يسقي وطن راعي العقـال المقصـب نجد العزيزه وغرب نجـد وجنوبـه ************************************* يعطيك العافية على القصيده |
الله مـن قلـب بـه النـار تشتـب
هبت وضبـت واستمـرت شبوبـه قلـب غـدى للهم مـارد و مشـرب وما ضاع من هم العرب راح صوبـه هم على ربعـه وهـم علـى شـب باليـوم والساعـه همومـه تلـوبـه والله من عين تصـب العبـر صـب صب القليب اللـي تدالـح غروبـه ................................ يحييني الغربي عصيـر الـى هـب ريح الديـار الطاهـره فـي هبوبـه ريحة هواها مكسبـي يـوم نكسـب اخير من ريـح البحـر والرطوبـه ................................... انته وانـا ومعزبـك تحـت ظلـه والله احبه حب مخلـص ومشتـاق واحب حتى صورته فـي المجلـه واهل الحسد ماهم على باب الارزاق ....................................... وش أقول وش أخلي من وصف لهذا الإختيار الرائع وهذه القصيدة من أروع وأجمل القصائد الخالدة لهذا الشاعر الكبير تسلم يدينك والله على هالذوق الرائع والمميز تستاهل الــ + ننتظر جديدك بالتوفيق |
يعطيك الف عافيه اخي الغالي مشكووووووووووووور
|
الله يعطيك العافيه
على هذا الاختيار الرااائع |
| الساعة الآن 07:34 PM |
Powered by vBulletin .
جميع الحقوق محفوظة © لشبكة ومنتديات البراري 2010