موقف صار معك او وقفت على موقف واثر فيك...؟
 

السلام عليكم ورحمة الله وبركاته...
بدون مقدمات مثل مو واضح من العنوان..
كل واحد يكتب لنا موقف حصل معه او وقف عليه واثر فيه..

يلا انا ابي ابدأ..
اول موقف حصل قدامي ايام الدراسه تقريبا قبل 4 سنوات دفعة 1427/1428 ..المهم يوم من الايام طلعنا فسحه وجاني خويي وعطاني ريالين وقالي جبلي معك سندويش وعصير قلتله ابشر من عيوني المهم شريت وجاني وعطيته فطوره وبدينا نتمشى قالي امسك العصير شوي عشان يفتح الشفاف الابيض الي على الفلافل مسكت عصيرته وبدأ يفتح الغلاف وبداية السندويش يكون فيه خبز فاضي المهم قطع رأس السندويشة ورما الخبز على الارض قلتله حرام عليك ارفعها لايجي احد ويوطاها..وقف وناظرلي بطرف عينه وهو يرجع ويوطاها متعمد اكثر من مره..جيته ودفيته عنها وشلتها وكان اخر كلامي معه لو كان واحد غيرك والله ماخليه...وبس

وهذي ثانيه..
قبل سنتين رحت الرياض اقدم على وضيفه وانا ماشي على الرصيف كان فيه بسه تقطع الشارع ومعاها بستين صغار توهم يتعلمون المشي وكان فيه سياره جايه والي فيها شباب ثلالثه..المهم البسه الام تركض وتوقف ع الرصيف وترجع لاطفالها اكثر من مره طبعا الشارع واسع والسواق بدل مايوخر عنها لف عليها ودعسها كانت شايله احد صغارها عاضته مع رقبته .

اتمنى تكون وصلت الفكره..يلا كل واحد يعطينىا موقف.

جزاك الله خير

السلام عليكم ...
المواقف كثيرة ، ومنها حادث عائلة على طريق الجنوب ، تحديد قبل طريب اللي على طريق خميس مشيط .
وكان قبل 15 سنة تقريبا ، كان أيام الكابرس مديل 1998 و يمشى بسرعة عالية بجوار الحاجز الحديدي ، الذي يحمي السيارات من السقوط في حال كان الطريق مرتفع ، وكان فيه رجل كبير بالسن معه جيب أبو شنب مقفص وطالع من المحطة بعد ما دخل أخي بسيارتنا ، والكابرس مختفي وراء الحاجز ، المهم أن الكابرس صدم الجيب على سرعته و تخيل من قوة الظربة طار الجيب لطرف الطريق ، وكنا شهود على الحادث ، رجل مع زوجته و طفلين ، الرجل دخل في ركبته عمود تعديل المرايات ، اللي يتذكر شكله في الكابرس القديم يقدر يتخيل شكله و هو منخس ركبة الرجل ، ولكن رحمة الله و لطفه كانت متواجده حيث لم يصب الأطفال بأذى كبير ، وكان أحد الأطفال حوضه مجبر من قبل الحادث .
و تم نقل المصابين لأقرب مستشفى ، ولاحول ولا قوة إلا بالله ..
والموضوع يشير لبعض غلطات تصميم الأدوات و يبرز أهمية الهندسة الصناعية .