..بنتك إلا منّه عـوى الذّيـب ( ذيبـه) ..
 

يابـوي جعلـك للبقـا والمكاسيـب
عمري بدونك يالذ ّرا ويش أبـي بـه

يابوي تسأل عـن شفـاك المراقيـب
طلعـة سواتـك للنّوايـف غريـبـه

ليه المرض مايعرف الزّين والعيـب ؟
مايـدري انـك للمخاليـق هيبـه !!

أبسألك وش به غزا وجهـك الشيـب
والقلـب لايـع والنواظـر شحيـبـه

وش بك تحاتي لانوى الموت تغريـب
تخشـى علينـا بالليّالـي الكئيـبـه

خذ دلّتك واركى على مسنـد الجيـب
وعطني شماغك بلثمه وأحتمـي بـه

ونروّح لأرض ٍ بها العشب والطيـب
وتسمع كـلام ٍ يالغـلا تحتفـي بـه

يابـوي بنتـك لاانحكـى بالتّجاريـب
كل ٍ يشـق لهيبـه الصّيـت جيبـه

يابوي ماني من سـوات المخاريـب
اللّـي تجيـب لعليَـة القـوم خيبـه

وماني من اللّي لامشت حفّها الرّيـب
أنـا مـن اللّـي مايدنّـس حليـبـه

مرفوع شاني عـن غـرام المكاتيـب
وأكبر من انّنـي أرتضـي بالحبيبـه

أنـا غرامـي لاابتـدوا بالتّراحـيـب
نفوس الأوادم فـي وجـودي رحيبـه

وان كان زينـي فتنـة ٍ للمصاويـب
أحـط وجهـي بالحريـق ولهيـبـه

زيني أبيعه وأشتري سمعـه الطّيـب
اسم ٍ ينومس بالصّـروح الـذ ّهيبـه

وان كان عندي ( بالحلا) شي ٍ اصعيب
عنـدي جـدود ٍ مارضـت بالغليبـه

دموع القبايـل فـي لقانـا مساكيـب
كـن المقابـر لاحضـرنـا قريـبـه

خضّبت لك كفّي من العـز تخضيـب
ورفعـت راسـي للنّجـوم الصّعيبـه

والله لأسـدّك بالفعـول المصالـيـب
والله لأشيلـك بالرخـا والمصيـبـه

طلع المعالـي ماانحكـم للشّواريـب
بنت ٍ وأناطح فـارس القـوم طيبـه

وياشيخي إبشـر لوتـدور الدّواليـب
بنتك إلا منّه عـوى الذّيـب ( ذيبـه)

وسلامتكمــ,,,:)

اعجبتنى ونقلتها

صح لسانك يا أبو يزن

لاعدمناك يالغالي

اختيارك اكثر من رائع

مبدع يابعدي

ماشاء الله عليييك


ذوقك راقي

مشكورين على المرور الطيب

صح لسانك و لا هنت أخوي فتى حرب قصيد فيها عبر بس لو تكمل القصائد بالشرح الموجز يكون شي أزين و طيب ربي يعافيك

اللة يجزيك ب ا لخير اخى احمد
القصيدة واضحة ما يبيلها
شرح
مشكور على المرور

كفوووووووو والف نعم ببنت الاجواد
صح لسانها ولاهانت
ومشكووور يالغالي للاختيار الجزل
اسمح لي الاحتفاظ بها ونقلها ولكن ودي لو اعرف منهي شاعرتها
الف شكر

مشرفنا العزيز
اللة يعطيك العافية على المرور الطيب
بالنسبة للقصيدة هى للشاعرة/ الزين