شبكة البراري - الا يا هل الجيوب اللي تحبونه ربع نيسان (باترول سلقة 90) *صور*

السلام عليكم ورحمة الله وبركاته

ألا يا هل الجيـوب اللـي تحبونـه ربـع نيسـان
لفاكـم جيـب توصيفـه عـلـى مطـلـوب طـلابـه
يسمونه سلق صحرا وانـا اناديـه يـا سرحـان
وعن وصف السلق يا دحيم تكرم ناس وذيابة
ربع كنه طلـق رشـاش وجّـه وجهـة النيشـان
رمى به من يحط السيف ابو شامـان بنصابـه
وألا يا هل المعارض بيعته كنها علي سلطـان
تسلّـط وقـت يـا كـنّـه رمـانـي بأكـبـر شهـابـه
ابرجـع لـك بامـر الله ابرجـع يـا ربـع نيسـان
وامـاري بـك قـدم نـاس تحـب البـر وهضابـه

وسلامتكم ..

انا يالربع عندي جيب باترول وناوي أبيعه , عسى الله يربحنا ولا يخسركم :
**مواصفاته :
موديله 90
مكينته وقيره ودبله على الشرط والحمد لله
بديه نظيف ولله الحمد ,, ولا جاه سمكره الا مع زاوية الصدام اللي ورا وزاوية الصدام اللي قدام حتى سمكرته عن دقشات ماهي صدوم ..
كان للحرس وتخبرون لازم تغير بويته , فالموتر مرشوش رشة كااملة عن رشة الحكومة
مشى حول ال180 فقط , مع ان العداد مفصول لكن على ذمة رااعيه الأول يحلف ويقول ان عنده اوراق مسجل فيها ممشاه عشان الزيت ..
من داخل نظيف ولله الحمد ومنجد تنجيد كامل
الكفرات ماكسس والجنوط هلل << على قولت الشباب والاا رفيقكم مامن عرف https://www.mekshat.com/vb/images/smilies/smile.gif
مركب له كعكات 2.50 سم

**عيوب الموتر :
فصالات باب السواق يبي لهن وزن , غيرتهن اول ما شريته ولا وزنهن لي العامل صح ,,وانا برجع له بس(كل يومن يا حمد باكر)
المراية اللي على باب الراكب (ما هي الدريشة)ترجع مع الهواء

عاااد (ما قل دل وزبدة الهرج نيشان)
الصور يقولون ابلغ من التوصيف ..
المكان : القصيم -الرس // 0569033882

ماشاء الله تبارك الله
https://sub3.rofof.com/img3/011dybcw26.jpg
https://sub3.rofof.com/img3/011wvbax26.jpg
https://sub3.rofof.com/img3/011krcnj26.jpg
https://sub3.rofof.com/img3/011unpjg26.jpg
https://sub3.rofof.com/img3/011qxpkz26.jpg
https://sub3.rofof.com/img3/011zbplt26.jpg
https://sub3.rofof.com/img3/011hvqtr26.jpg
https://sub3.rofof.com/img3/011qtldk26.jpg
https://sub3.rofof.com/img3/011ulcfz26.jpg
وهذا مكان السمكرة (اللي مسمكرها راعيه اللي قبلي)
https://sub3.rofof.com/img3/011gkalm26.jpg ^^ https://sub3.rofof.com/img3/011fgnud26.jpg

وعسى الله يوفقنا واياكم للبيعة المكسبة والشرية المربحة