محاورة حلوة بين العريس والعزوبي
بسم الله الرحمن الرحمن السلام عليكم ورحمة وبركاته محاورة حلوة بين العريس والعزوبي (((العزوبي))) قال العزوبي يوم شاف المعاريـس *** الرابـح اللـي لاقعـد مايقومـي اول سنة كلٍ يبث الاحاسيس *** وثاني سنـة تجلـب عليـك الهمومـي وثالث سنة حط الرمل والمتاريس *** لابد مـن حـربٍ تقـوم وتدومـي لامن دخلت الدار لاكنهـا بليـس *** متلفلـفٍ فـي غاليـات الهدومـي تأخذ من المخباة وتسحب من الكيس *** وتغير الموديـل شـيٍ لزومـي وان قلت ما أملك يامره لوهو فليس *** قالـت تديّـن لا تكثـر بلومـي ولاجيت مرة ناويٍ لك بلزومي....... *** قالت تصّبر خل قلبك رحومي ليتك تساعدني تصحح كراريس *** زادوا علينا أربع حصص في العلومي ألوزارة في العصر والصبح تدريس *** والليل تصحيـحٍ وودي أنومـي تبكي إذا جاها وجع لوهو ضريس *** وتقول أبي دكتور ماهو حكومـي يروح عمرك بين عرسٍ وتأسيس *** واربع سنيـن والبزاريـن كومـي وسط المطابخ بين قز ومحاميس *** هـذا صحـن رزٍ وهـذاك ثومـي والا خلصت إمنظفٍ الملاليس *** جتك تقـول انهـج نبـي زود لومـي ولا جبت قالت اكنس الحوش تكنيس *** خل البلاط يصير مثل النجومـي ومكرسٍ جهدك من الخوف تكريس *** وان نادتك بالصوت اقبلت مومي يجيك تـال الليـل دايـم كوابيـس *** ويشيبنـك مزعجـات الحلومـي هذي حياة اللي ركض باغي...... *** ضيع حياة أول وصار محرومـي تعيش يالمعرس حياة المحابيس *** وشف العزوبي بكل شـارع يحومـي من مفرق جلاجل إلى جوي للحيس *** وان حار حايرهم بوسطه يعومي يفرح إذا شاف الوتر والمراويس *** وفي كل يـومٍ كاشـتٍ ومعزومـي شف العزوبي مايعرف الهواجيس *** ولا يـودي حرمتـه كـل يومـي يا عنك ماحاش الفخر والنواميـس *** الا عزوبـيٍ يعـرف السلومـي اذا اعرس المعرس غدا عندنا هيس *** ونزيل اسمه من سجل القرومـي والى بغيت البهذلة والدحاويس *** فأعرس وخلك من عـداد الرخومـي وش صابكم من عرسكم يا المفاليس *** وش استفدتوا غير دق الخشومي اللي تزوج أشهد انه غدا تعيس *** والرابح اللـي ماخـذٍ لـه.......... ترى عناق العام نطت على التيس *** والحرعقب العرس يصيـر بومـي ((((( قـــــــــــــال الــــعــــريـــــس ))))) قال العريس أنا الذي في سعاده ××× ماني عزوبي ضايق الصدر مهمـوم مبسوط من مثلي قعد عند غاده ××× مهوب مثل اللـي لحالـه تقـل بـوم في كل ليله حاضنٍ له وساده ××× وانا مع المزيـون فـي غرفـة النـوم أنا اشهد انه عايشٍ في قـراده ××× يـروح عمـره مـا تهنـى ولايـوم الى دخل للبيت يبلش بـزاده ××× يقعـد يقطّـع لـه طمـاطٍ معـه ثـوم ولا قضى عقب العصر من عداده ××× والحوض من كثر المواعين مزحوم والى غسلهن ثم فك السـداده ××× دلـى يغسـل لـه سراويـل وهـدوم وان ماطبخ روّح لمطعم حماده ××× والا قعد في منزلـه واعلـن الصـوم وان جاه ضيفٍ باغيٍ له رفاده ××× يـروح يشـري رز وايـدام ولحـوم ما يعرف الشمبو وراسه عراده ××× وشمغه من الكـواي مليانـه رقـوم ما يكنس الفرشـه ويلقـط بـداده ××× امـا بقايـا رز او خبـز معـروم عنده صراصيرٍ بحاجه اباده ××× تسرح وتمرح في الغـرف دايـم الـدوم يجمع قروشه ويتسلف زياده ××× حتى يسافـر مصـر او ديـرة الـروم او راح يم التاي وترك بـلاده ××× ناظـر جـوازه ممتلـي كلـه ختـوم دايم يسافر مـا يعـرف العبـاده ××× يسكـر وينكـر و........ بالكـوم وإلى رجع يروح يم العيـاده ××× حيـث ان فيـده مـن فعايلـه مزكـوم وإلى قعد مارس مع .......عاده ××× حيثه مسيكينٍ من العـرس محـروم له موتر خرده كثير فساده ××× في كـل يـومٍ فـي الاشـارات مصـدوم غمارته تقول ورشـة حـداده ××× ومريقـده فـي شنطتـه دوم محـزوم دوم يتنقل تقل كنه جـراده ××× فـي كـل يـومٍ نـازل لـه علـى قـوم يسهر والى قام الظهر من رقاده ××× روّح على شغله والى اليوم مخصوم يذي بنات الناس يبغي مراده ××× في كل يومٍ زاهمٍ لـه علـى ( هـوم ) اراه مايعرس ويقدح زناده ××× يتـرك بنـات النـاس ويصيـر معصـوم يلقى هنوفٍ تخدمه مثـل داده ××× ويصيـر رجّـالٍ ويسلـم مـن اللـوم يفرح الى من قرب وقت الولاده ××× ويصير معنى العرس بالحيل مفهـوم يشوف أولاده ومعهم شهاده ××× قبـل الوفـاة وقولـة النـاس مرحـوم وسلامتكم منقول |
وعليكم السلام ورحمة الله وبركاته أضحك الله سنك يالغالي الصلبوخي وثالث سنة حط الرمل والمتاريس *** لابد مـن حـرب ٍ تقـوم وتدومـي :smile: |
ههههههههههههههههههههههههه
حلوه ابو محمد لكن لو استقبلت من امري مااستأخرت ما سويتها ورحم الله الشاعر سعد بن حريول يوم قال : الرابح اللي لاذلول ولاشاه ................ولا ورعان دب الدهر يمحنونه اااااااااااااااااااااااااااااه يالعزوبيه ياحلاتها والله |
اترك عنك العرس استقرار ووناااسه
مشكوور على اختياارك وجزاااااااك الله خير سلام |
في كل ليله حاضنٍ له وساده ××× وانا مع المزيـون فـي غرفـة النـوم
الله يبيض وجهك يابومحمد على القصائد الجميله مشكوووووووووووووور |
هذا من قصيد عبدالعزيز آبا نمي
وتقبل تحيتي |
خخخخخخخخخخخخخخخخخخخخخخ
مشكوووووووووووووووور على القصيد وكل شي له محاسن ومضار |
اقتباس:
حياك الله ياالغالي ابومنصور كل الشكر على ردك ومرورك الكريم |
اقتباس:
هلا بالغالي يابوهشام افااااااااااااا ياذا العلم ماهنا مثل العرس اذا الله وفق شرفتني بمرورك الكريم |
اقتباس:
هلا ابو ناصر يالله ان تحييه اكيد يالغالي مع توفيق الله سبحانه شاكر مرورك الكريم |
الساعة الآن 07:45 AM |
Powered by vBulletin .
جميع الحقوق محفوظة © لشبكة ومنتديات البراري 2010