|
بصراحه.. زمان اول والا الحين..!؟ سوالف تجول في الخاطر....
.
. . . . . السلام عليكم ورحمة الله وبركاته اخواني في منتديات البراري اتمنى ان تكونو بخير بإختصار لدي سؤال يدور في ذهني هل اشتقت لزمان اول..؟؟ و ما رأيك ايهما افضل ذلك الزمن ام الآن عصر التقدم والتكنلوجيا؟؟ زمان اول يوم حنا ماندري عن السحاب ولا السيول الا بالذكر والسوالف بين الناس والا ذا ابرقت قبله..؟؟ اما الآن تجدنا نتحدث عن هطول امطار ونطرح احتمالات قبلها بفتره ليست بالقصيره..؟؟؟؟؟؟ بصراحه اراى ان زمان اول افضل واريح نفسياً واوفر خيرات وسيول....... موضوع جال في الخاطر واحببت ان تشاركوني الرأي.. اتمنى التفاعل من الاخوه جميعاً....... |
قد اكون كبيرا في السن بعض الشيء وقد عشت ايام القساوة والتعب ولكن كم كانت حلوة تلك الايام وانا اعيش مرحلة الطفولة بين رعي الاغنام وبين النخيل وسقياها والابل والبقر كانت حياة تحس بطعم التعب فيها وبلذة الخلود للنوم في الصيف على السطوح وفي الشتاء داخل الغرف
كم نمنا من ليلة لايوجد في السماء ولا سحابة واحدة ونصحو على السيول كنا ننبسط اذا هبت جنوب ففيها الخير وكان مما اسمعه من شيباننا عبارات لا اعرف معناها في وقتها وكنت ارددها معهم ومنها ( كل الهبايب بارده الا الجنوب الوالده ) وبعد التقدم والعلم عرفت المقصد ما ودي اطيل واترك المجال لذكريات غيري واخص هادي فترى عنده علوم كثيرة فكثروا عليه الاسئلة لانه ما يقول الا بعد ما تنشدونه اخوكم ابو فرح |
حياك الله يا الغالي ومواضيعك الطيبه
والله بالنسبه لي الزمان الاول ازين واوسع صدر واكثر امطار والقلوب صافيه ولا فيه حسد وضيقة صدر مع ان الزمان هذا كل شي متوفر ولله الحمد سهولة التنقل والاتصالات واشتغل الجيل الثالث ونقل حي للامطار والسيول والله يكفينا شر هذه الخدمه لكن انا اذكر قبل عشرين سنه كانت جدتي الله يرحمها وموتا المسلمين اذ سمعت الرعد وشفنا البروق قمنا نسدد الخروق في البيت ونزين الباحه (المنور ) وشوي المثاعب تصب ولا نشوف الشمس ثلاثة ايام امطار وخير والأولين يذكرون الزمان الاول على ما فيه من الفقر والجوع وقلة العيشه الا انه ازين من الان انا اتوقع بل الاكيد يا ولد العم حال الناس الان تغير انفتاح وكثرة المعاصي وقلة الطاعه الله يرحم حالنا والله اني اجي بعض الاحيان للمدن الكبرى الرياض والا جده وتشوف الهوايل وحال العالم والله هالحين جارك يا الواحد يسكن ويقعد سنين ما تدري وشو وش يصير ولا عاد فيه زيارات للجيران وموده الا عند ناس قله اضف الا ذلك الدشوش ومصايبها وحال النساء في الاسواق الله يحفظنا واياكم من كل شر والله سبحانه ليس بيننا وبينه واسطه والله عز وجل لا يحابي احدا ولا ياتي عام إلا والذي بعده اشر منه والي في الخاطر كثييييييير يا ولد العم ونشوف آرى الاخوان |
ابو فرح
الله يهاديك احرجتنا مع الربع وش بلاك حديتنا على مر الشري اجل ابنسق لي رد واجيبه مشكووووووور اخوي نقا هشال مشكوووووووووووور سلام |
اه اه ايه يازمان
اخوي نقاء نقضت جروح العود والعود قاضي ذكريات لاتنسى الله المستعان فعلاً زمان كان المطر له لذه اكثر من الحين وكانت ذكرياتنا في هذا البيت بالرس وهذ صورته طبعاً الصوره فيه شوي دبلجه لاكن البيت هو بيتنا https://www.lahdah.com/up/uploads13/l...001833ffaf.jpg كان اذ جاء مطر الكهرباء يطفىء ثم نقوم نولع السرج وكان الوالد الله يرحمه اذ اقبلت السحابه طلع السطح ثم صوت لنا يالله امشقو للسيل جت السحابه علشان مايخر السقف واحيان يخر السقف غصب ثم نبدا نبعد بعض العفش عن مكان السيل واحيان نروح ننام عند احد من الاقارب او الجيران لنا بعض الناس يخاف اذ صار البيت والله انه يعني ممكان يطيح والقصص كثيره لاكن نحاول نسرده بعدين |
شكرا اخوي نقا على موضوعك المثير
بالطبع اشتقنا لزمان اول وامطارة وخاصة أمطار 1402 وكنت صغيرا و 1413 و1418 وفيها سيول لاتنسى وزمان اول كانت يوميا السحاب فوق راسك ترعد وتبرق وتلقى الشعبان تمشي ما هو مثل الآن انتابع هالاقمار ونتباشر وما نشوف شي وما اقول إلا الله يرحمنا برحمته |
طيب
واللي صغير ما يذكر زمان أول اللي تقولون عليه هههههههههههههههههههههههههه أشكرك وفعلا أول كان كل شيء أحسن في البر تشكراتي |
زمان اول اذكر من تهب الرياح جنوب والاهل عندنا يتباشرون والسماء ما بها ولا نتفة غيم واحده
اللهم لك الحمد والشكر ما اجمل ذكريات الماضي |
مايصير أمر وأقراء مشاركاتكم وأطس
لازم أدلو بدلوي بالنسبه لي أنا يامحاتسيكم أنشدوني عن 1405 وجاي بدايه أشتغال ذاكره الرام والروم بمخي يعني هذا أقصى خبري المهم والله يازمان أول انه وناسه وخير وبركه والنفوس طيبه والصدور وسيعه وجيل الشيبان اللي هم زينة الحياه اللي على أيديهم توحدت مملكتنا كانوا حيين واللي باقي الله يطول بعمره كنت أخبر يوم أجي من المدرسه والله يالله يالله تمشي من الماء والمطر يضرب وانحاش وازبن اقرب بيت والا صندقه وأذكر جانا مطر 1412او 1413 بالمدينه برمظان أخر 5 أيام ومع يومين من العيد والله أنها ديمه أن المطر ماكف والشوارع تدرج والبيوت الشعبيه تخرر وحاله الله العالم بها ونوبه كنا عند خالي بعطله شهر 12 عام 1415 بديره أسمها أم قرضي بين العــلا وحــايل المهم نمنا بالليل والله ان النجوم تلامع وماجت الساعه 2 الا وهي ترعد وتبرق والمطر يصب صب وننحاش ونركب سياراتنا وبيت الشعر يلعبه الهواء والشعبان بدت تمشي وعوايل وبهم وقراده والله يوم البرق يلمع أنك تشووف الجبال اللي حولك كنك الساع 1 الضهر بس كانت أيام حلووه ماعكرتها لأسهم جعلها للذهاب ولاغيره والمطر اللي صحيح 1403 دوبي أتخطفه جاي برد كبر القدحان حتى أن أحد أخواني انفقش ههههههههههههههه وسلامتكم وآسف على الأطاله:44: |
بارك الله فيك اخي الكريم
وما عرضته تعتبر فكرة جديده وجيدة نتذكر فيها ماضي اسلافنا لك كل شكر وتقدير |
| الساعة الآن 04:24 AM |
Powered by vBulletin .
جميع الحقوق محفوظة © لشبكة ومنتديات البراري 2010