|
وسم 1427 ـ 1428 هـ متى يدخل ومتى يظهر واستفسارات اخرى
السلام عليكم ورحمة الله وبركاته الى الاخوان الخبراء في منتديات البراري وعلى رأسهم الا ستاذ خالد العوض الاستاذ مركز مدينة حرمة بسدير وبقية الاخوان اللي عندهم معلومات تفيد الجميع لكي نستأنس بالسواليف والعلوم الى أن يحين موعد الوسمي.. هناك أسئله واتمنى من الجميع التفاعل للمصلحه العامه س1/ متى يدخل الوسمي القادم..؟؟ س2/ نهاية الوسمي القادم..؟؟ س3/ذكريات من المواسم اللي راحت وبالذات الغزير منها ومتى بداء المطر فيها..؟؟ س4/ اذا اتى المطر في اول الوسم وكان غزيراً على منطقةً مــا هل يعني ان تلك المنطقه سوف تتوالى عليها الامطار بإذن الله كل شيء بإرادة الله لاكن نبي نقارن بالمواسم اللي راحت..؟؟ س5/ رأيكم في اللي يتوقع من الحين بأن الموسم القادم سوف يكون غزير المطر..؟؟؟؟ س6/ التقلبات الجويه هذه السنه وقلة الامطار على مناطق معينه وكثرة الغبار وكثافته هل لها تفسير علمي..؟؟ والموضوع مفتوح لأي نقاش يخص الطقس ..... وافر الشكر لكم وإن شاء الله الوسمي القادم يكون الخير غزير وعام لكل المناطق.. |
الله يعطيك العافيه على الموضوع الممتاز
واحب ان أشارك في الموضوع بزيارة الرابط التالي وانشاء الله أنكم تستفيدون منه وشكراً https://www.angelfire.com/yt/alhawmah/altawalaa.html |
تسلم اخوي نقاء وهذا ماعندي خذه
1-يدخل الوسم تقريباً في منتصف رمضان القادم بأذن الله 2-نهايته احسب 52 لليله بعد دخوله 3-بدا المطر الغزير منه في شهر شوال العام الماضي جت سيول قويه تقريباً في النصف من شوال شمال شرق الرياض 4-اذ ارد الله وتحركت المنخفضات جنوب شرق الجزيره العربيه كان علامة خير بأذن الله لانه هذا يعني والله اعلم استمرار منطقة ضغط منخفضه تتحرك اليه باقي المنخفضات بأذن الله وهو درب السحاب تقريباً لانه سبحان الله العظيم كل7 سنوات تقريباً يكون لسحاب درب مختلف تقريباً عن السبع السابقه والله اعلم وهذي المعلومه غير اكيده 5-والله التوقع قبل دخول الوسم بمده طويله احتمال الخطاء فيه كبير لاكن فيه بعض الاقوال نسمعها من بعض الاولين مثل قيض بارد بعده دهر ومثل المقايس اللي يتبعونه بعض الاولين خاصة في بعض الارياف مثل اذ صارت مربعانية القيظ حاره جداً صارت مربعانية الشتاء بارده جداً الخ............ 6-قلة الامطار في هذا الموسم يعود السبب بأمر الله الى كثرة المرتفعات شرق وجنوب شرق الجزيره العربيه وهذا يجعل السحب بأمرالله تنحرف شمال شرق الجزيره العربيه او الى جهة الشام والعراق واما كثرة الغبار يعود السبب بأمرالله الى الجفاف الذي شهدته اكثر مناطق المملكه وفروقات شديده في الضغط الجوي بسبب سيطرة المرتفعات في اغلب الاوقات والله اعلم |
الله المستعان هذي حال الدنيا السنه هذي الله يرحمنا برحمته الامطار في نجد قليله
والله يا نقال يا ابن آخي قلة الامطار يمكن لها تفسير علمي لكن الذنوب الله يرحمنا برحمته وكثرة المعاصي والرباء وانتشار الفواحش وعدم اخراج الزكاة الله يرحمنا برحمته الوسم (العواء ) يدخل في شهر رمضان 23 \ 9\ 1427هــ 16 \10\2006م اول الوسم يعتدل الجو في النهار ويبرد في اليل مطره محمود ينبت الشيح والفقع والنفل والأعشاب وينتهي تقريبا في 3\11\1427هــ (منقول ) والله يجيب الخير والامطار ويبيلنا مسيار يا نقا عند النياق |
يعطيك العافيه نقا هشال وخالد العوض
ربي يسلمكم تسلمووون |
ابن حزيم هلا ومسهلا وتسلم على مشاركتك العطره
أخي الاستاذ خالد العوض مرحبا مرحبا مرحبا ومسهلا وبيض الله وجهك على الرد والعلوم الزينه ابن العم حمد التميمي مرحبا مليووووون وجزاك الله خير على المرور والمعلومات المفيده الله يرحمنا برحمته وإن شاء الله الوسم القادم يكون أمطار خير وبركه ابرك الساعات ياابن العم يوم تشرفنا انت والاخوان اللي في المنتدى كلهم وإن شاء الله في المربعانيه راح نكون في الدهناء..... يعطيكممممم العافيه ونتمنى مزيد من التفاااااااااااااااعل |
س1/ متى يدخل الوسمي القادم..؟؟
على حساب الاولين يدخل في 6 اكتوبر وبالهجري 13 رمضان 1427هـ س2/ نهاية الوسمي القادم..؟؟ عدو 52 يوم ويطلع فيه الوسمي يعني 28 نوفمبر وبالهجري 7 ذي القعدة 1427هـ س3/ذكريات من المواسم اللي راحت وبالذات الغزير منها ومتى بداء المطر فيها..؟؟ 1418 سيول غزيرة هذا اللي اذكره وسوف انزل موضوع كامل بالامطار الماضيه من عام 1418 وحتى العام الماضي س4/ اذا اتى المطر في اول الوسم وكان غزيراً على منطقةً مــا هل يعني ان تلك المنطقه سوف تتوالى عليها الامطار بإذن الله كل شيء بإرادة الله لاكن نبي نقارن بالمواسم اللي راحت..؟؟ تقريبا والمثل عند الاولين يقول الحيا على الحيا ولو زعلوا الممحلين س5/ رأيكم في اللي يتوقع من الحين بأن الموسم القادم سوف يكون غزير المطر..؟؟؟؟ هذي علمها عند الله سبحانه ولكن التفاول زين س6/ التقلبات الجويه هذه السنه وقلة الامطار على مناطق معينه وكثرة الغبار وكثافته هل لها تفسير علمي..؟؟ نعم فلارض يابسه وجدبا ولو جانا خير قلة العجات اخوكم الشيخ |
اخي الشيخ
ارحب ارحب ويعطيك العافيه على المشاركه القيمه كل الشكر لك تقبل تحيتي ونتمنى مزيد من التفاااااااااااااااعل |
اخوي نقا هشال حسب علمي ومن كلام الشيبان ان الوسم مدته 52 يوم والنجم اللي قبله اللي هو من القيض يعد وسم لانه اذا جا فيه مطر بإذن الله تأثيره مثل الوسم يعني احسب زود قبله 13 يوم واحسب النجم الاول من المربعانية مثل انجم اللي قبل الوسم يعني بعد زود 13 يوم من المربعانية
صحيح هي ما تعد من الوسم في الحساب الفلكي لكن مطرها له نفس تأثير مطر الوسم من العشب والفقع وغيره |
اخي نقا هشال اعتذر لاني لم اعلم عن طلبك الا الآن الساعة1115مساءا والاخوة جزاهم الله خير ماقصروا في المعلومات ونعم هناك قبل الوسم نجم "الصرفة" بطيح 13يوم هي بأمر الله من معدودة الوسم عند العوام كما قال اخي ابو فرح وايضا اول نجم من المربعانية كذلك والله اعلم ويقولون ايضا ان الحيا "السحاب" يتتابع بأمر الله على المنطقة التي يؤمر عليها ولو لاحظت هذا العام كان الحيا يتتابع على ام عشر وما حولها واكيد انك شاهدت ربيع ام عشر ووادي الباطن وفياضه ولله الحمد والمنه والفقع كان موجود اما العام القادم ففي علم الغيب وياما قالوا وصار فشوش واما ماحصل والله اعلم واحكم من كثرة الذنوب والمعاصي نسأل الله العلي القدير ان يردنا اليه ردا جميلا وللحديث بقية ان شاء الله تعالى عن اميز المواسم الماضية من حيث الامطار اللهم اغثنا آآآآآآآآآآآآآمممممممممممممممميييييييييييييييي ن
|
| الساعة الآن 12:32 PM |
Powered by vBulletin .
جميع الحقوق محفوظة © لشبكة ومنتديات البراري 2010