انت من وين ؟
السلام عليكم ياشباب
يا الله حيهم واحيهم <<<< قلبنا شياب خخخخخخخخخخ ماعلينا اليوم هذا موضوعي ان شاء الله يعجبكم وتشاركون فيه كل ابوكم وياويل اللي ما يشارك ترا بعلم عليه nahham يخصم عليه او يقول له جب ولي امرك خخخخخخخخخخخخخخخ الموضوع سهل الهضم وخالي من الكرستول بعد لكنه حلو وطعمه لذيد ومعلوماته واجد زينه الموضوع الله يسلمكم باختصار تعريف ببلدان واماكن اقامة الاعضاء يعني ديرتك الاوله : مكان الاقامه لكن نبي معلومات عن ديرتك حتى يعرفها الباقين اتفقنا يالله انا ابدا القويعيه 160 كم عن الرياض على طريق الحجاز مدينة متوسطه الحجم فيها كل القطاعات الحكوميه ومراكز تسوق وورش صيانه سيارات ان شاء الله ما تحتاجون لها وانتم في الطريق وحولها الكثير من الشعبان والجبال الجميلة المنظر يالله اللي بعدي |
***************************** إبشر ولا يهمك ،،، غالي والطلب رخيص ،،، ================== مكاني الان: (( جــــــــــده // عروس البحر الاحمر )) ديرتي : ((:33: مستوره:33: - شمال جده بــ220 كيلو - شمال رابغ بـ25 كيلو )) حيث محافظه مستورة تقع على الساحل الغربي من الجزيرة العربيه محافظه هادئه بحيث يحلو بها السمر والجلسات والطلعات ،،، وتشتهر بــ (( الزراعة ،، أفضل سمك على الإطلاق وإسأل إي مجرب ،، رعي الاغنام والجمال )) لاكن الربيع ما هناك ربيع (( اللهم اغثنا يا كــــــــريم )) وتشتهر بــ (( الحبحب )) أهـ يا زينه (( سكـــــــــــــــــــــر )) ويكثر في موسم الامطار (( الربيع والصيف )) واللي يبي يجرب سمكها يكلمني على الخاص ،، وإبشر بسعدك ،،،،،، ============================= |
ابشر ديرتي الاصل من مرات والسكن في الرياض
وانا متنقل حسب طبيعة عملي على كل انحاء الوسطى فكرتك ممتاز جدا |
هلا وغلا اخوي احمد
فكره اكثر من ممتازه انا مقيم في الرياض الاصل من حريملا - شمال الرياض 80 كم واشتهرت اكثر خلال الايام الماضيه حيث اكبر برد مر على نجد والعياذ بالله حريملا مدينة هادئة جدا تمتاز بانها ابرد من الرياض دائما باكثر من خمس درجات مئويه حولها منتزهات كثيره تعج بالسواح على مدار العام اشهرها الشعيب والقطار تزخر بالمحال التجاريه والسوبرماركات والمطاعم المميزه والمطابخ الشهيره واماكن لتعبئة المياة المحلاه مجانا مرحبا بالجميع في ربوع حريملا |
انا من تمير تبعد عن الرياض العاصمة 150 كم شمالا
وهي مدينة صغيرة تقع على ضفاااااااااف جبل مجزل المشهور تشتهر بالمتنزهات البريه مثل وادي الشوكي والتنهات ونورة والحقاقة وروضة الخشم وغيرها الكثير يوجد بها كثيرمن النخيل وسميت بهذا الاسم نسبة الى التمر وتمير تصغير لتمر اهلها يشتغلون بالزراعة ورعي الاغنااام واذا تبون زوووووووود علموني مشكوووووووووورين سلام |
مشكور على الفكرة
أنا مقيم في الرياض الأبيخ جوا والأزعج دوما تكتض بالزحام في أكثر الأوقات من أول أوقات الدوام صباحا ووقت خروج الموظفين ظهرا وتملك ناطحتين سحاب كل العالم داري عنهن .. ولكن ديرتي غنية عن التعريف وهي (( تــمــيــر )) فقد اوضحها لكم أخي هادي ولكن أعدل في بعض كلامه لقوله انها مدينة صغيرة لا لا فانا اعترض فهي تمير الديمقراطية .. وللمعلومية هي أكثر البلدان والديار سقوطا للأمطار بحمد الله وفضله . وشكرا فارس تميم |
ونعم والله بالجميع أنا من ((((((((((((حوطة بني تميم))))))))))
|
فكره حلوه
بالنسبه لي مكان الاقامه الان الرياض وديرتي الغرابه وتبعد عم الرياض حوالي 250 كيلو وتبعد عن شقراء 50 كيلو شمال طريق المستوي القصيم وبها الجبل المشهور جبل الغرابه اللي ذكره امرؤ القيس في اشعاره وبها شعبان واوديه جميله جدا يحدها من الغرب نفود الملحا ومن الشرف نفود العريق وشمال عنها المستوي وجنوب عنها اشيقر ويوجد بها مزارع وهي في وقت الربيع من اجمل الاماكن وسلامتكم جميع مشكور ياصاحب الموضوع |
السلام عليكم ورحمة الله وبركاته
شكرا" ابني عمي على الموضوع المميز الاصل============> مقبلة سدير الاقامة============> الرياض |
انا ديرتي تمير
وفيه غيرهااا تمير باريس نجد |
الساعة الآن 11:17 AM |
Powered by vBulletin .
جميع الحقوق محفوظة © لشبكة ومنتديات البراري 2010