|
لضاق صدرك عالي الصوت جره
هذه ابيات لقصيده جميله اعجبتني ويقول شاعرها غزاي نومان الحربي لآضاق صدرك عالي الصوت جره لو كان قلبك ما يطاوعك مسرور ** دنياك لو تسوى من الحِزن ذرّه ما كان تاليها توابيت وقبور ** وما كان للكافر بعمره مسره وما شفت في ملكه ملايين وقصور ** العمر يمضي بين حلوه ومره والموت حق وقابض الروح مأمور ** دام الحياه الفانية مستقره ورزقك يجيك وبين الأجواد مستور ** لاتنشغل بالوقت برده وحره واحذر تصير بقسمة الناس مقهور ** وحكم القدر لاجاك خيره وشره أشكر عظيم الشان والذنب مغفور ** والمجلس اللي يزعجك لا تمره خله تراك بشوفته منت مجبور ** والرجل سقها في صحاصيح بره ومد النظر مابين ريضان وزهور ** لا صار وجه القاع ما فيه جره والمشي حافي والثرى توممطور ** ساعات صمتٍ ما وراها مضره تسوى الكلام اللي به إذنوب وإشرور ** أطلق خيالك وأترك النفس حره وخل الطبيعه في حياتك لها دور ** وبالليل لا بانت نجوم المجّره أذكر بديع الخلق بـِ إحـساس وشعور ** واسجد لرب الكُون مره ومره وإحفظ لسانك وأترك الكذب والزور ** وفروض ربك خلها مستمره وطاعتك لا يدخل بها نقص وقصور منقووول ابو حمد،، |
صح لسانك ولسان الشاعر وتسلم ابو حمد على النقل المتميز نصائح وكلمات درر |
. قصيده رآئعه فيهآ آلكثير من آلنصآئحْ صحْ لسآن شآعرهآ وتسلمْ يمنآكْ ولآهنتْ يآآبو حمد على آلآنتقآء آلجميلْ |
قصيدة تجاوزت حدود الروعه صح لسان شاعرهاغزاي نومان الحربي حاولت اقتبس منها لكن احترت في تحديد البيت الاجمل صح قلبك ونبضك وكلك مشرفنا ابوحمد دمت بهذا التالق ودي ووردي واحترامي لك |
العمر يمضي بين حلوه ومره والموت حق وقابض الروح مأمور أبيات جميله لشاعر مميز بارك الله فيك أخي ابوحمد |
ابيات جميله - وخصوصا في هذا الوقت الفاضل- الله لايجزاك الا بكل خير
تحيت اخوك المخلص |
صح لسان شاعرها وتسلم يمنى ناقلها
اختيار رائع وموفق |
يامال العافيه يابوحمد اثرك هواوي
تسلم والله على الاختيار |
اشكر الجميع على المرور وبارك الله فيكم ويسعدنى ان اقول لكل من شارك وعلق لك منى هذه https://up.albrari.com/uploads/12891580081.gif ابو حمد،، |
دنياك لو تسوى من الحِزن ذرّه ما كان تاليها توابيت وقبور تسلم يابو حمد على اختيارك للابيات والشاعر موفق والى الامام |
| الساعة الآن 06:02 AM |
Powered by vBulletin .
جميع الحقوق محفوظة © لشبكة ومنتديات البراري 2010