شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   الكسرة و بحور الشعر .. شعراء البراري (https://www.albrari.com/vb/showthread.php?t=71901)

الركام 2019-03-31 09:58 AM

‏وقُل للغائِبينَ بِلا إيابِ
‏حَنِيْنُ القَلْبِ يُرْجِعُكُم بِبَابي
‏:
‏فلا يَخْفَى على منْ مَرَّ أنِّي
‏هَجَرْتُ الدَّارَ من بَعْدِ الغيابِ

الركام 2019-04-13 09:53 AM

سحابة هلت على وادي نساح
ياليـتهـا مـرت على كـل ديـرة

تشـوقـنـا في برقـهـا كل مالاح
امـطـارهــا وبـل كـبـار غـزيـرة

يالله عسى في يومنا كم مرواح
كل مامشى مرواح يحـل غـيره

مادام باقي ايام في الصيف ماراح
يـعـم كـل ديار باقي الـجـزيــرة

الركام 2019-06-15 09:33 PM

ماعاد اميز متى الخميس والجمعة
ولا الغداري والا النسناس والقمرا

ولا السوالف ومتى الاصحاب مجتمعة
معاد باقي معي منها سوى الذكرى

الركام 2019-07-08 12:41 PM

كـل عـام نرقــب الجـو الجـمـيــــل
وكــل عــام تمـضـي ايامـه بحين

مـايدوم الحـال هـذا مسـتحـيــــل
وكــل وقـــت راح يـبـقـى لـه حنين

الركام 2019-08-12 06:07 PM

كل مامريت قلت القى جديد
واثر وعد الوقت حلم مايصيب

قلت يمكن نجتمع في يوم عيد
مادريت ان السبب هو النصيب

كيف أنساك 2019-08-16 08:28 PM

اقتباس:

المشاركة الأصلية كتبت بواسطة الركام (المشاركة 2566970)
كل مامريت قلت القى جديد
واثر وعد الوقت حلم مايصيب

قلت يمكن نجتمع في يوم عيد
مادريت ان السبب هو النصيب


صح لسانك اخي الكريم

كل الود

الركام 2019-08-20 11:49 AM

كيف انساك ماني ناسي ذاتي
وليه انساك والذكرى على بالي

انت مني ومـالي كـل اوقـاتي
فيك حلمي وعندي كل امالي

الركام 2019-08-22 09:14 AM

هذه ابيات قلتها في بعض من فقدناهم في منتدى الشعر


ليه بستان الشعر من دون ورده
كيف غاب اللي جماله من جماله

ياهـل البستان هي عـطــره ونده
لين غاب الورد ينقص من كماله

الزهـور تزيد في العــزم وتـشده
تلـهـم الشـعـار وتزيد الجـــزاله

مـانـبـي يزعــل ولا نبـغـى نرده
اتركــوه ومـابدالـه فـي مجــالـه

عـارف مابين هـزل وبيـن جـده
اتركـوه ايقـول شي قـد طـرا لـه

دمعته من العـين تجرح رق خده
دمعته من العين مانقوى احتماله

ياهــل الـبستـان ردوا لـه مــوده
ياهـل البـستـان سوو بي جمـاله

من يسوي خير مـن هـو له يرده
ما احــد مـثلـه ولا نبـغـى بدالـه

قـبـل مـا كــل يـبـــيّح كــل سـده
وقبل ماتصـفق يمـينه في شماله


الركام

الركام 2019-09-02 12:54 PM

ياللـي تحسـب الوقت ماهـوب يفتـر
احـــذر يــروح الـعـمـر عـقـبـه تـنـدم

لا تـنـخـدع لــو زان وقـتــك وتـغـتــر
الـخـيــر يـبـقــى والـخـراب يـتـهـدم

واللــي يـحـفـظ الـوقـت لا بـد يسـتر
يـفـوز يــوم ان الـجـوايـــز تــقــــدم

يـلـقــى بـرآده لا غدى الـجـو محتـر
هـذي مـحـاصـيـلــه ومـا كـان قــدم

الركام 2019-09-07 03:11 PM

للغياب اسباب لو طال الغياب
ولصمت عنوان في وقت الحضور

ان تقدم بالعذر ز ال العتاب
والعذر مقبول ونقول معذور

الركام 2019-09-10 09:15 AM

لياحام فكـرك في السنين القديمــه
واليا شـكى قلـبـك وبين حنيــنــــه

وصارت حياتك دون طـعـم وقيمــه
ومـليــت حاضــرك وتولاك شيـنـــه

وبـين عليـك الكبر وقـل الـعزيـمــه
وقل الـنـظـر قريـب وتـقـول ويـنــه

ورجلك بدت تقصر ولا هي سليمـه
وشكيت سمعك كن في الاذن طينه

وبديت تشكي امراض جسم اليمه
تراك بـاد فـي ســنين حـزيــنــــه

عشها على ماجات لو هي ظلـيمه
ولو شفت فيها ميل ولوهي غبيـنه

الوقت لو يصفي يجي فـيه غيـمـــه
والمـوت لو طـولـت ياتي بحينــــه

رجـواك في ماض تراهـا عـديمــه
وسـجات فـكرك ماترجع سـنيـنـــه

مـابـه حـياة دايـــم مـسـتـقـيـمـــه
ومابه كـمال الا ونـقـصـه قـريـنـــه

شيمتك عن دنياك خصـله كريمـــه
ودنياك سـخـرهـا للاخرى عـويـنه

لا تـنـخـدع غرقـان وتـقـول ديـمــه
هذي الحياة وسرعـهــا عارفـيـنــه

وصلاة ربي عد ماقــفــت مـقـيمه
واعداد مايقسى الزمن عقـب ليـنه

الركام

الركام 2019-09-15 09:30 AM

يازائرا في غير بستان الشعر
قاطعت فن الشعر وهو لك الاصل

ماذا وجدت من المصالح في الهجر
واراك دوما متواجد كالمتصل

الركام 2019-09-21 05:36 PM

https://pbs.twimg.com/media/EE6jQX0W...jpg&name=large

الركام 2019-09-23 08:50 AM

مليت انا من الذرا ودي بمشراف
ودي اسافر ولو مدري على وين

ودي اسـافـر ولا تطرون مهـداف
ونضيع الدرب وتضيع العناوين

أبو عوده 2019-10-06 10:07 AM

يالله ياللي له صلاتي وصومي
الواحد اللي لاعطا مايسالي
منشي مزونن بالسما له خشومي
مخايلن تشدي خشوم الجبالي
مخيلتن وتعد عنها العلومي
ترهب مخيلتها بردم الخيالي
حطت على قاعن غبرها يعومي
واديه له حولين ماقيل سالي
ونا احمد الله ساقها بالوسومي
بنوء الثريا سيلها يوم سالي
وتلاطمت ريضانها للحزومي
من رادها يعد عنها الهوالي
من غبها ترعى الضعن بالحزومي
متساوين نبته بروضن وجالي
وتلقا الزبيدي فوقه العشب يومي
متفطرن غذاه وبل الخيالي
يامحلا شوفه يزيل الهمومي
برضن قفر محدن وطابه وعالي
الله على خلقه غفورن رحومي
كم به ضعيف وصارله راس مالي
ويالله عساها كل عام تدومي
خضرا وخبرا ياعزيز الجلالي
وصلاة ربي عد وبل الغيومي
على النبي وعداد رمل السهالي


نايف / ابو عوده

الركام 2019-10-07 02:25 PM

صح لسانك ياابو عوده
وحياك الله

أبو عوده 2019-10-08 10:11 AM

اقتباس:

المشاركة الأصلية كتبت بواسطة الركام (المشاركة 2570325)
صح لسانك ياابو عوده
وحياك الله

صح بدنك يالغالي
ابقاك الله

الركام 2019-10-29 12:58 PM

بالكلام الزين تلقى الناس حـيــــه
للقلوب احسن من علاج المشافي

ياعجب كيف القلوب تصير سـيـه
ليه ماحبت وعاشت بالتصـــــافي

ابن حماد 2020-02-14 11:00 PM

يارب عفوك ما على دارنا مقيم
الناس قافيها السفر والرحيلي

ياخالق الأرواح يامنشي الغيم
يا حافظ جوف الجحيم الخليلي

يامكلم موسى من الناس تكليم
وفرقت له بحر تلاطم مهيلي

جعل فهد روحه بجنه وتسنيم
بين الجنان ونهرها السلسبيلي

الركام 2020-02-26 10:48 AM

المدارس عطلت والجو صافي
مادروا عقب الظلام يحل نور

علقوها قالوا ان باقي سوافي
علقوها ماخذوا راي وشور

الركام 2020-04-24 04:45 PM

مال عنـا جنوب ومـال عنـا شمـال
قدر الله وماشاء الـعزيز الحـكـيــم

السحـاب يتعدى عن ديـار محــال
اجدبت ارضها واشجارها كالهشيم

كل ماقبل سحاب جا مع الفال فال
وكل ماقبل نقول اليوم سيل عظيم

دبره خالقه مجري السحاب الثقال
ماقـنـطـنـا ولا زلنـا برجوى كـريــم

ابو سعود

الركام 2020-05-06 08:23 PM

(ياوليف القمر) كيف القمـر والنجـوم
هو مغـطـي على الانوار وهو اسـتـدار

راح شـهـرين وازود في جـلوس ونـوم
طـال ليلي ومثـله طـال وقت الـنـهـار

في الحـجـر مدة وياليـت لو جـاز يـوم
في بطـاحـي والا في طـعـوس كـبـار

نرتوي من الطبيعة ونتلقى الـعـلـوم
لا يروح الربـيـع ولا يمـوت الخـضـار

وقبل ماينتهي وقت المطر والـغيـوم
الزمـن عـجـل وايـامـه تراهــا قـصـار

بيتـغير نـسيـم البر ويصبـح سمــوم
والسنين اصبحت تمشي بنا في انحدار

ابراهيم بن سعود الخريف

الركام 2020-07-05 09:43 AM

ودع الترحـال واقـعـد للـمـقــيـــل
صيـفنا اللاهـب بدا نجـمـه يبين

راح وقــت كـان ذعـذاعـه عـلــيـــل
وحـلـت رياح سـمــوم الـلـه يعين

النهـار يطــول ولا نلـقـى ظـلـيــل
والشــجـر متعـري وحـالـه يشين

لاحراوي غـيــم ولا وادي يسـيــل
والمـيـاه بنـقــص عـند الـزارعين

لا بحر مـوجـود ولا به نهر نـيـــل
يبست الاشــفــاه عـنـد الناظرين

كـل عـام نرقــب الجـو الجـمـيــــل
وكــل عــام تمـضـي ايامـه بحين

مـايدوم الحـال هـذا مسـتحـيــــل
وكــل وقـــت راح يـبـقـى لـه حنين

الركام

ابن حماد 2020-10-17 01:41 PM

يالله يامن له عباده تصلي
وتوحده وتحج لرضاه وتصوم

ارفع كفوفي بين رغبه وذلي
ياغافر الزلات يا حي قيوم

تغفر خطاء اللي كل ماتاب زلي
ماهو عن الزلات والعيب معصوم

أبو سيرين 2020-10-20 07:24 PM

اقتباس:

المشاركة الأصلية كتبت بواسطة الركام (المشاركة 2592187)
ودع الترحـال واقـعـد للـمـقــيـــل
صيـفنا اللاهـب بدا نجـمـه يبين
راح وقــت كـان ذعـذاعـه عـلــيـــل
وحـلـت رياح سـمــوم الـلـه يعين
النهـار يطــول ولا نلـقـى ظـلـيــل
والشــجـر متعـري وحـالـه يشين
لاحراوي غـيــم ولا وادي يسـيــل
والمـيـاه بنـقــص عـند الـزارعين
لا بحر مـوجـود ولا به نهر نـيـــل
يبست الاشــفــاه عـنـد الناظرين
كـل عـام نرقــب الجـو الجـمـيــــل
وكــل عــام تمـضـي ايامـه بحين
مـايدوم الحـال هـذا مسـتحـيــــل
وكــل وقـــت راح يـبـقـى لـه حنين

الركام

السلام عليكم ورحمة الله وبركاته

مرحــــبا ترحيبتن مــاهـي بقـليل
مــا نـقـــــدمـهـا ســـوى للطيبين

صـيفــــنا اللاهــب ينادي للرحيل
مـثـل أول مــن زمـــــان الأولـين

ننتظـر كــل عــــام يلـفــينا سهيل
والنفـوس تســر بالضيف وتزين

حضر العزبه مــع الفصل الجميل
وخاوي اللي في البراري كاشتين

واعـتذر للي تـحـــس انه عــويل
قـبل مـا تبلــش وبالله اســـتعـين

واشتري لك جيب تويوتا الأصيل
ينفعك في البر ما يغرز في طين

واسئل الله يحفظك صـبحن ولـيل
وذكر ربي دايم الحصن الحصين

ما لنا عــن صيفـنا اللاهب بديل
والعمر يمضي وتـفـنـيـه السنين


كيف الحال طيبين بشروني عنكم حضرت ولم أجدكم وأرجو منكم تقبل خالص تحياتي وتقديري وحبي للجميع بدون استثناء خصوصاً لشيوخ المنتدى

فمان الله

أبو سيرين 2020-10-21 08:25 PM

اقتباس:

المشاركة الأصلية كتبت بواسطة ابن حماد (المشاركة 1053549690)
يالله يامن له عباده تصلي
وتوحده وتحج لرضاه وتصوم
ارفع كفوفي بين رغبه وذلي
ياغافر الزلات يا حي قيوم
تغفر خطاء اللي كل ماتاب زلي
ماهو عن الزلات والعيب معصوم

الله رحــــــيم ويـغـفــر ذنـوبـك اللي
ويومر سماه وينقلب صحوها غيوم

والأرض تـعـشـب والـخـــلايق تهلي
وبامره يدوم الخير في أرضــنا دوم

لـكـن عـمــرك يا ابـن حـمـــــاد قلي
وانته لازلت تزل كل ما طلع يوم !!

أبو سيرين 2020-10-25 12:58 AM

كني أقــول الشعــر وأنا على المسرح
وجمهوري من فرحته متردد وصامت


أدري تحـــبوني وانـا بحـــبكم افــــرح
والله يديم الـحـب في الـقـلـب ما دامت
:ordh:

الركام 2020-10-28 08:22 AM

حي الله ابو سيرين 🌹

الغياب باسباب انسحاب الاعضاء
كل ماجيت ادور مالقيت المجيب
لو حضرتوا حضرنا
والله المستعان

ابن حماد 2020-10-28 09:28 PM

مثقال ذره وثقت بسجلي
بالزلزله واللي بعد سورة الروم

والناس به مكثر وفيها مقلي
وفيه امعه يمشي على دبكة القوم

لازرت دار كان به صاحبلي
الدار موجوده وراعيه مرحوم

عسى السحاب اللي نشاء وستهلي
ا للي سحابه كنه جبال مركوم

ياخذ شهر ويام وبله يعلي
دار بها النادر خذا عينه النوم

أبو سيرين 2020-10-29 07:52 AM

اقتباس:

المشاركة الأصلية كتبت بواسطة الركام (المشاركة 1053550289)
حي الله ابو سيرين 🌹

الغياب باسباب انسحاب الاعضاء
كل ماجيت ادور مالقيت المجيب
لو حضرتوا حضرنا
والله المستعان


يا هلابك اخوي أبو سعود 🌹

يا هــلا بك يبو سـعـود وانتـه حبيب
راعي الطيب ما غـيّره طـول الزمان

احمد الله جيت وعـدت بـعــد المغيب
لو تطير الـطـيور تعـود نفس المكان

والله ان الـمـحـبه لك وغـيرك مريب
يخفي في القلب شين ما علمناه بان

فسر الماء بعـد الجهد بامرن خطيب
وأسأل الله يغـفـر لـه خـطـايا اللسان

:ordh:

الركام 2020-10-29 09:12 AM

ياهلا ومرحبا بك بعد طول المغيب
ياابو سيرين جيتك نورها اليوم بان

الشعر فاقدك وصار وقته عصيب
كان تعطيه من وقتك يعود بمان
🌹

أبو سيرين 2020-10-29 10:23 PM

اقتباس:

المشاركة الأصلية كتبت بواسطة الركام (المشاركة 1053550369)
ياهلا ومرحبا بك بعد طول المغيب
ياابو سيرين جيتك نورها اليوم بان

الشعر فاقدك وصار وقته عصيب
كان تعطيه من وقتك يعود بمان
🌹

الـبـقـــا يالــركــــــام اللي لـقــلبي قــريب
ما نجــاوزك في شــعــر الـعــرب والبيان

انت أسـتاذ شـعر وزدت في عيوني طيب
يوم بعض الـعـرب فارس على ظهر اتان
:w10::ordh::w10:

ابن حماد 2020-10-30 01:56 PM

صلاة ربي عد رشات الامطار
اليا تحدر ونهمر من خياله

على الحبيب المجتبى سيد الاخيار
اللي حباه الله بحمل الرساله

المصطفى اللي دعوته كلها النوار
الحق تقريره وفعل و مقاله

واللي شنى المعصوم يجزاء في النار
يصهر بها ويذوق ردغة خباله

الركام 2020-12-09 09:35 AM

لـو الالـوان تـعـطـي كـان خير كثـيـر
مير ممشى السحايب مايجي بالرسم

كـل عام على هالـحـال قالوا مـطـير
وقـالـوا انـه على كـل الديار الـوسـم

وانـتـظرنا ولا شفـنـا من الرسم خير
نـحـتـري مايـجـيـنـا لين ربي قـسـم

أبو سيرين 2022-06-06 07:43 AM

الصيف ينســينا بحــرارته الـربيع
يالله دخيلك مـن سـمـوم وحـر نار

واللي يروح الدهنا يحذر لا يضيع
من الـغــبار يتـوه ويضـيع المسار

أبو سيرين 2022-06-24 10:43 AM

أمـيرنا مـحـمـد الـعـالي في قـــدره
اللي طـباعه طـباع مـلــوك وحـكام

كـسـر برتكـولـهـم بالصوت كسـره
وسلم على عسكر التركي بالاسلام


أبو سيرين 2024-03-07 08:37 PM

ما للكشتات .. طعـم ولا مجـال
دامنا مــا بين مشغــول وفـقـيد

ودامنا مـا ننشد ونبني الوصال
وما نبض فينا من الغيره وريد

كلن في حـاله ويحرجه السؤال
يعتقـد يبقى وهو وحـده سـعـيد

بعد مـا اغنان الله بصحه ومـال
ننتكس والعمـر ينقص ما يـزيد

أبو سيرين 2024-03-12 10:31 PM

لا تهنيني بعـيد ولا .. رمضـاني
دامهــا سـطر في رساله ما تزيد

اتصالك ينتهي في .. عدة ثواني
وتعرف احوالي ويبقى لك رصيد


:ordh:

أبو سيرين 2024-03-12 10:39 PM

الله يردك يا .. ســـحـاب
مـن بـيـن كـثـبـان النفود

ويعود من بعد .. الغياب
سهود في شقراء ومهود


:ordh:

أبو سيرين 2024-03-15 10:27 PM

واعذاب القلب يوم اذكر لي غايب
فـاقـده مـا تدري حي أو كان ميت

عزتي له من همـوم الوقت شايب
الــدمـوع تهل مـن فـرقـــــاه عيت

أســألك يالله تـكــفـيـه المصــــايب
مـع ظــلام الليل والمجـهــول بيت



الساعة الآن 04:14 PM

Powered by vBulletin .
جميع الحقوق محفوظة © لشبكة ومنتديات البراري 2010